小憩片刻·雞湯·麵·串燒 (Closed)

小憩片刻有一種忙裏偷暇既感覺，一於黎呢度食個下午茶。呢度除左啲麵食之外，仲有串燒食，我地叫左蟲草花膠雞湯烏冬、雲吞、菜同一啲串燒。蟲草花膠雞湯烏冬，濃濃嘅花膠雞湯，入面非常足料，堅花膠有兩舊，仲大大舊，雞件都唔少，肉質嫩滑，仲有蟲草添。碗湯真係真材實料、好濃郁，無味精，我地成碗飲哂。招牌雞湯雲吞，雲吞有6粒，皮薄，饀都係足料，蝦新鮮彈牙，滿滿豬肉啖啖啖肉。蟲草花杞子浸翡翠苗，雞湯浸住，翡翠苗吸收哂全部精華，好食徤康。串燒就叫左羊肉串 、茄子、雞全翼、台灣腸。串燒上枱熱辣辣香噴噴，最正係燒茄子，外貌偏橙色應該係辣粉既顏色，加上好多濃濃嘅蒜蓉，啱哂我口味。下次要黎試埋呢個椰子雞湯准山麵。