公利真料竹蔗水

Open Now

Now Closed

係中環食完野之後有啲口乾，朋友就帶咗我嚟哩一間竹蔗水好出名嘅店舖。佢話哩間店舖出名真材實料，搞到我都好期待，我哋兩個都叫咗竹蔗汁，一杯都要$14，其實唔算平。佢嘅餐牌上面仲有其他涼茶同埋竹蔗糕，我見都幾多其他客人買，不過今次就唔試啦。🎈竹蔗汁佢嘅竹蔗汁真係超濃味！而且好甜，佢嗰種甜唔係落咗好多糖個種，而係真係黎自蔗糖既甜味，飲完都真係幾解渴。我覺得哩一間店舖嘅竹蔗水真係真材實料，大家經過附近又口渴都可以試吓。