Video
Read full review
2023-03-10
91 views
《 中環真係何蘭正懷舊fusion餐廳 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧今次經過中環大館附近，有一間搞鬼餐廳叫《何蘭正》，餐廳用咗中式嘅龍鳳設計，但係又加咗好多搞鬼元素，好似霓虹燈嘅「鬼佬涼茶」，一睇就知佢哋唔係咁簡單嘅中式餐廳。無論係咖啡、酒或者主食，佢地都有個獨特嘅fusion配方，即刻試下佢哋有咩特別先。Cocktail 龍鬚糖首先店員要用火槍燒著dark rum，然後將燒熱嘅Rum酒倒入薑汁雪糕，而雪糕下面就係中式甜品龍鬚糖，估唔到三樣加埋一齊其實都好夾，最突出嘅味道一定係薑汁，然後仲有龍鬚糖嘅花生味。芝麻花生湯圓聽個名一定以為係中式甜品，因為無論佢嘅造型（萬壽杯）都好似普通日式芝麻糊。但係其實佢係一杯Cocktail，表面嘅係花生奶泡，中間藏着一支湯圓，店員介紹一定要同底下嘅芝麻whiskey 攪拌均勻先好飲，湯圓煙煙韌韌咁，而cocktail充滿芝麻香，真係好搞鬼。主菜24小時慢煮伊比利亞叉燒伊比利亞叉燒經過慢煮再燒到燶邊，半肥瘦嘅比例令到叉燒充滿油香又軟唸，飯底亦都好講究，加入咗香蔥豬油、韓國紫菜同埋溫泉蛋，成個飯本身已經好邪惡，令人想食過停唔到
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
今次經過中環大館附近，有一間搞鬼餐廳叫《何蘭正》，餐廳用咗中式嘅龍鳳設計，但係又加咗好多搞鬼元素，好似霓虹燈嘅「鬼佬涼茶」，一睇就知佢哋唔係咁簡單嘅中式餐廳。無論係咖啡、酒或者主食，佢地都有個獨特嘅fusion配方，即刻試下佢哋有咩特別先。
Cocktail
龍鬚糖
首先店員要用火槍燒著dark rum，然後將燒熱嘅Rum酒倒入薑汁雪糕，而雪糕下面就係中式甜品龍鬚糖，估唔到三樣加埋一齊其實都好夾，最突出嘅味道一定係薑汁，然後仲有龍鬚糖嘅花生味。
芝麻花生湯圓
聽個名一定以為係中式甜品，因為無論佢嘅造型（萬壽杯）都好似普通日式芝麻糊。但係其實佢係一杯Cocktail，表面嘅係花生奶泡，中間藏着一支湯圓，店員介紹一定要同底下嘅芝麻whiskey 攪拌均勻先好飲，湯圓煙煙韌韌咁，而cocktail充滿芝麻香，真係好搞鬼。
主菜
24小時慢煮伊比利亞叉燒
伊比利亞叉燒經過慢煮再燒到燶邊，半肥瘦嘅比例令到叉燒充滿油香又軟唸，飯底亦都好講究，加入咗香蔥豬油、韓國紫菜同埋溫泉蛋，成個飯本身已經好邪惡，令人想食過停唔到口。
川味杜洛克豬肋骨及三杯法國多寶魚柳
同樣係好fusion嘅菜式，豬肋骨用左川味辣醬醃制再煮，肉質嫩滑又帶少少辣味。另外多寶魚柳用左台式煮法，本身魚柳就比較厚實，外層連魚皮煮香，肉質鮮嫩又帶少少米酒嘅甜味。另外配菜係美國焗薯配蟹籽甜酸汁，好開胃。
甜品
香濃粟米巴斯克芝士蛋糕
巴斯克蛋糕就食得多，粟米味嘅就真係第一次食，估唔到其實都幾夾，粟米嘅香甜味，同芝士蛋糕本身又話幼滑嘅口感相輔相成。另外雪糕就係日本柚子雪葩，酸酸地好開胃。另外dressing仲加入咗焦糖爆谷同埋芒果蓉，真係好豐富。
如果唔想錯過其他好介紹，記得follow我呀😘
多謝大家！！！
∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴
何蘭正 (中環)
中環雲咸街29號東方有色大廈2樓
∴
Post
