居廬 (Closed)

每日都番工真係番到個人好鬼大壓力，放鬆既方法都係同朋友食下野傾下計舒緩一下緊張既情緒。朋友介紹黎到呢間CAFE，位於土瓜灣。交通都十分方便。餐廳既裝修簡約舒適，播住輕鬆既西美音樂，坐位闊落，十分合適跟朋友聊天。水牛芝士番茄沙律($76)第一次食水牛芝士，質感煙韌，柔軟香滑。加上番茄爽甜，搶配得十分好。蔬菜亦十分新鮮爽脆，用黎做開胃菜真係十分適合。澳洲西冷扒配黑胡椒汁($148)好耐無食牛扒，叫左個SET DINNER 西冷扒5成熟，火喉控制十分好，肉質剛剛好5成熟，不會太熟令到似"鞋"。  肉質十分嫩滑唔會有肉渣。 黑胡椒汁十分濃郁配上牛扒更能令肉味提升不少。此外套餐既西滲十分濃郁，蔬菜味十分鮮甜，加上蒜溶包，成個套餐份量好足夠。煙三文魚紅菜頭意大利飯($96)紅菜頭令成個飯都變成紅色，增加了食慾。 食落芝士味都幾重。飯軟硬剛剛好，唔會太爛，仍然保留嚼勁。加上煙燻得十分入味既三文魚，令人食極都唔會膩。桂圓紅棗茶($45)桂圓紅棗既味道十分柔和，不加蜜糖已經好好飲。飲完再加蜜糖會令茶層次更多，女士必定喜歡既選擇。