Video
Read full review
2008-08-08
91 views
話說昨日八號風球，無端端多左日假，左等右等下5:15先落波，唔洗返工當然要慶祝一下﹗決定相約友人去打個邊爐﹗從來都不會待薄自己，見呢排咁鬼辛苦決定食大佢﹗去左大角咀既力奇火鍋!可能八號風球岩岩落波關係，我地七點去到都無咩人﹗上網睇食評都知呢度無服務架喇﹗等左好耐先有個阿姐羅0的豉油俾我地，而0的蒜呀辣椒呀全部都係自己走出去門口羅的﹗真係無人理﹗今次點左蕃茄薯仔湯底，好多料呢﹗有我好鍾意食既粟米﹗滾左一陣倒一碗來飲﹗超清甜﹗倒牌蝦，$70，係大虎蝦來架﹗成隻手板咁長﹗仲要好生猛係咁跳﹗你地睇下幾大隻﹗打邊爐用料唔洗有咩講究，最緊要就係新鮮，呢隻蝦真係超爽超好味呢﹗唔洗蘸任何醬油已經好好味﹗墨魚滑，$75，又係要激讚﹗食落口彈牙得要命，最緊要係佢真係墨魚打，入口滿佈墨魚粒，我同工友即時想起台北太和殿的好味花枝丸呢﹗四寶丸，$70，鯪魚丸超級香﹗食到我地四個隻眼發哂光﹗跟住到呢間野必食推介............鮑魚嘩大佬鮑魚，$56一隻﹗我咁大個仔都係第一次食咁大隻鮑魚吧﹗埋到台隻野仲係咁動，好鬼生猛，當然個外觀就係核突左少少.......大家心照﹗阿姐話齋灼佢十分鐘就好食喇﹗起左個殼之後
從來都不會待薄自己，見呢排咁鬼辛苦決定食大佢﹗
去左大角咀既力奇火鍋!
可能八號風球岩岩落波關係，我地七點去到都無咩人﹗
上網睇食評都知呢度無服務架喇﹗等左好耐先有個阿姐羅0的豉油俾我地，而0的蒜呀辣椒呀全部都係自己走出去門口羅的﹗真係無人理﹗
今次點左蕃茄薯仔湯底，好多料呢﹗有我好鍾意食既粟米﹗
滾左一陣倒一碗來飲﹗超清甜﹗
倒牌蝦，$70，係大虎蝦來架﹗成隻手板咁長﹗仲要好生猛係咁跳﹗
你地睇下幾大隻﹗
打邊爐用料唔洗有咩講究，最緊要就係新鮮，呢隻蝦真係超爽超好味呢﹗唔洗蘸任何醬油已經好好味﹗
墨魚滑，$75，又係要激讚﹗
食落口彈牙得要命，最緊要係佢真係墨魚打，入口滿佈墨魚粒，我同工友即時想起台北太和殿的好味花枝丸呢﹗
四寶丸，$70，鯪魚丸超級香﹗食到我地四個隻眼發哂光﹗
跟住到呢間野必食推介............鮑魚
嘩大佬鮑魚，$56一隻﹗
我咁大個仔都係第一次食咁大隻鮑魚吧﹗
埋到台隻野仲係咁動，好鬼生猛，當然個外觀就係核突左少少.......大家心照﹗
阿姐話齋灼佢十分鐘就好食喇﹗起左個殼之後同食家一人半隻﹗
幾鬼厚，好堅呀﹗食鮑魚好名貴呢﹗
入口超級有口感，好霸道好好o趙，鮑魚味濃，原來鮑魚真係幾好食架﹗四個人都大讚好味道﹗
最後仲一人叫多隻蟶子王，好似$36隻﹗
幾大隻﹗仲大隻過隻碟呀﹗
係咁易拖一拖水就放入口，WOO...................好好味呀﹗
新鮮得好緊要，入口是甜的﹗海鮮的甜味令人很難忘呀﹗
打邊爐又點會無肥牛呢？
呢度既手切肥牛，$108
好香喎﹗輕輕一灼放入口，無渣又滑溜，正﹗
最後食埋湯底既超甜粟米同埋0的吸哂食料味既薯仔，飽哂﹗
同工友一致覺得，呢間野0的海鮮同埋所有食物都一流，服務係慢左0的﹗不過0的阿姐都有笑容的﹗多野做係咁架啦﹗
為食的我倆稱呢間為全香港最好食的火鍋店﹗
埋單一人二百蚊，好飽呢﹗都OK呀﹗
食飽飽回家訓覺又要開工喇﹗
更多相更多相
http://hk.myblog.yahoo.com/smallsmalllin/article?mid=7251
Post
