真香蛋卷

Open Now

Now Closed

沿著元朗大馬路一直向前行 ... 見角落處幢住一張牌 --- 「真香蛋卷」... 呢檔蛋卷喺網上流傳既久，網民對之一直有讚冇彈，今日就等我一探虛實 ... 檔口由一老一少睇檔，除咗蛋卷之外，佢哋仲有好多嘢賣，鳳凰卷、雞蛋餅、馬仔、綠豆餅 ... 乜都有 ... 我哋唔貪心，純粹想試吓啫，就要咗一盒原味蛋卷，聽佢哋講，蛋卷係自家製，第二度食唔到，咁真係要試吓啦 ... 返到屋企，打開盒蓋一睇，一盒 $18 嘅蛋卷，得 8 條，感覺有啲貴 ... 急不及待打開嚟試，名不虛傳，真係幾香，蛋卷薄而脆口，蛋香十足，而且仲有點烤烘嘅香味 ... 真係好後悔冇買多盒嚟試，下次入元朗，一定要大量入貨 ... 至少唔會買一盒，而係要買一罐 ... 話時話呀 ... 做元朗人，都幾幸福架 ...