靠得住粥麵小館 (Closed)

今日係新都會等朋友收工，然後一齊食飯，朋友話無乜胃口，所以去咗靠得住，諗住清清地去食粥。叫咗個豬潤魚片粥，個粥底都幾綿，豬潤同魚片都新鮮，同埋幾多料，不過就覺得都幾多味精，越食越鹹。混醬腸粉，個腸粉好黏口，不過加埋d甜醬同麻醬，都算ok嘅。再叫咗個淨雲吞，真心個句真係麻麻地，佢都幾大粒，不過就只得肉，蝦就唔係好覺，湯底好鹹，我真係唔識欣賞。最後叫埋個油菜，都幾甜，不過就真係太少囉，成碟淨得5條菜，一個人都唔夠食。我係等位時見到係米芝蓮推介，諗住應該唔會太差，不過食完真係有d失望。