菓屋 (Closed)

係葵廣行行下街，見到間特色茶飲店，以新鮮水果茶做主打。門面裝飾都幾靚，Menu都好特別，口痕又想試下，不過女仔總會有D日子唔可以飲凍野，所以呢次只試左佢嘅熱飲。熱野選擇唔多，我就揀左台灣紅柚茶（熱，無糖，$25），Order果陣店員都提醒我會有少少苦澀，怕嘅人可能就要留意。睇落價錢偏貴，不過見到店員聽到Order，就會攞新鮮生果即榨，如果係叫當造嘅水果茶應該都幾正。熱飲就無靚靚杯，攞到手真心超熱，但飲得出茶底唔錯，一梳梳果肉仲係杯裡面，試得出係幾新鮮，下次可以試下其他野飲。