Video
Read full review
2019-02-18
735 views
今晚咁啱同老公一齊係紅磡附近收工大家都唔想煮飯 於是決定係周邊搵食 比我地發現一間西餐廳 距離東鐵站大概8分鐘上網睇過口碑都唔差 一於去試下佢 我地就試晚市套餐 可以任選一款主菜然後加60蚊就可以有齊沙律 餐湯 甜品 茶飲每款都有兩個選擇 性價比非常之高沙律我地揀咗意大利巴馬火腿沙律火腿豬味濃夾雜油香 肥瘦均勻沙律用上火箭菜 羽衣甘藍等配黑醋作為頭盤之選餐湯就係粟米蓉忌廉湯跟黑松露芝士法包 粟米蓉幼滑 與一道忌廉混和 達致濃香細嫩口感厚層黑松露芝士鋪滿鬆脆法包上 配合湯飲 令味蕾享受更豐富嘅層次至於主菜就係蜜汁黑椒烤豬手 終於輪到大大隻豬手上檯 表皮層佈滿黑椒而增添微辣 蜜糖甜香切開豬皮時閃閃發亮嘅蜜汁流入肉層外皮被烤香少脆 保留到豬皮嘅骨膠原肉質粉嫩軟腍與皮下脂肪層一同享用 雙重口感呢隻應該係我暫時食過最滿意嘅烤豬手另外 我地又單點咗一客飯同小食半熟刺身帶子黑松露意大利飯煎香帶子至半熟狀態 整體保持柔滑鮮甜黑松露香氣加上削至片狀芝士於飯中 將色香味推至最高點 意大利飯有嚼勁 濕潤度符合水準小食就揀咗蜜糖芥末黑醋雞翼 雞翼炸至脆香 金黃色嘅雞皮沾上芥末同黑醋兩款醬汁平衡炸物嘅油膩感 雞
大家都唔想煮飯 於是決定係周邊搵食
比我地發現一間西餐廳 距離東鐵站大概8分鐘
上網睇過口碑都唔差 一於去試下佢
我地就試晚市套餐 可以任選一款主菜
然後加60蚊就可以有齊沙律 餐湯 甜品 茶飲
每款都有兩個選擇 性價比非常之高
沙律我地揀咗意大利巴馬火腿沙律
火腿豬味濃夾雜油香 肥瘦均勻
沙律用上火箭菜 羽衣甘藍等配黑醋
作為頭盤之選
餐湯就係粟米蓉忌廉湯跟黑松露芝士法包
粟米蓉幼滑 與一道忌廉混和 達致濃香細嫩口感
厚層黑松露芝士鋪滿鬆脆法包上
配合湯飲 令味蕾享受更豐富嘅層次
至於主菜就係蜜汁黑椒烤豬手
終於輪到大大隻豬手上檯
表皮層佈滿黑椒而增添微辣 蜜糖甜香
切開豬皮時閃閃發亮嘅蜜汁流入肉層
外皮被烤香少脆 保留到豬皮嘅骨膠原
肉質粉嫩軟腍與皮下脂肪層一同享用 雙重口感
呢隻應該係我暫時食過最滿意嘅烤豬手
另外 我地又單點咗一客飯同小食
半熟刺身帶子黑松露意大利飯
煎香帶子至半熟狀態 整體保持柔滑鮮甜
黑松露香氣加上削至片狀芝士於飯中
將色香味推至最高點
意大利飯有嚼勁 濕潤度符合水準
小食就揀咗蜜糖芥末黑醋雞翼
雞翼炸至脆香 金黃色嘅雞皮沾上芥末同黑醋
兩款醬汁平衡炸物嘅油膩感
雞肉仍然肉汁飽滿 肉質嫩滑有彈性
最後是日甜品係朱古力蛋糕
香濃可可製成綿密蛋糕 每一口都被甜蜜包圍
粉紅色朱古力碎片仿如滿地櫻花
再緣青提 士多啤梨配碟 視覺效果一流
高度推薦呢間餐廳 真 • 紅磡隱世美食
Post
