Video
Read full review
2011-02-07
59 views
尋日(6-2-2011 Sun)年初四傍晚,同男友o係全球最細o既香港廸士尼樂園食晚飯,我o地到o左呢邊就走入去睇食咩o野.有意大利pizza,又係意大利o野?同男友食晏時已經係意大利菜,但男友被米奇頭pizza吸引,就就佢啦.佢揀o左$60.00o既海鮮pizza,我見到有蒜蓉多士,我估$15.00一客,不過當然問問侍應幾錢一客啦?佢答答$20.00一客,好好食o架.(你當我係大陸人咩?我都知呢樣好食,但o係廸士尼就唔知好唔好食啦.)我就叫一客,然後去搵位.Pizza即叫即整,等o左約10分鐘終於有,男友拎過o黎喇.點解多o左個羅宋湯o既?原來pizza包埋o既.飲飲湯先,味道唔太濃,雜菜料正常多吧.而蒜蓉多士呢,唔脆,重腍腍o地添,牛油太多,蒜蓉味唔太濃.而海鮮pizza,只嗅到燈籠椒味,開頭食耳仔部份,都幾硬淨,海鮮就有蝦,魷魚粒同吞拿魚,魷魚粒冇乜味而好似未夠熟,食到塊面時,批底唔夠硬淨淨,拎起時啲料都跌返落隻碟o度.食完後,我想試中式點心,唔知有冇點心拼盤呢?男友就去買,返到o黎見有成三籠o野,睇睇,有蝦餃,燒賣同豬形叉燒包.男友話每種點心都係$25.00,支庄檸檬茶就又係$
佢揀o左$60.00o既海鮮pizza,我見到有蒜蓉多士,我估$15.00一客,不過當然問問侍應幾錢一客啦?佢答答$20.00一客,好好食o架.(你當我係大陸人咩?我都知呢樣好食,但o係廸士尼就唔知好唔好食啦.)我就叫一客,然後去搵位.
Pizza即叫即整,等o左約10分鐘終於有,男友拎過o黎喇.
點解多o左個羅宋湯o既?原來pizza包埋o既.飲飲湯先,味道唔太濃,雜菜料正常多吧.而蒜蓉多士呢,唔脆,重腍腍o地添,牛油太多,蒜蓉味唔太濃.而海鮮pizza,只嗅到燈籠椒味,開頭食耳仔部份,都幾硬淨,海鮮就有蝦,魷魚粒同吞拿魚,魷魚粒冇乜味而好似未夠熟,食到塊面時,批底唔夠硬淨淨,拎起時啲料都跌返落隻碟o度.
食完後,我想試中式點心,唔知有冇點心拼盤呢?男友就去買,返到o黎見有成三籠o野,睇睇,有蝦餃,燒賣同豬形叉燒包.男友話每種點心都係$25.00,支庄檸檬茶就又係$22.00.
好,又食喇,先食燒賣,味道好正常喎,咁正常,應該係來貨o黎啦.然後到蝦餃,蝦餃都OK,但比燒賣遜色一啲.
最後係豬形叉燒包,叉燒包扁撻撻o既,內裡o既餡唔多,唔太甜亦唔濃,屬於清淡一啲.
服務:
女侍應執o野好勤快.
衛生:
我坐o個張枱o既枱邊好似有啲黐’立’’立’.
Post
