小火焰韓式咖啡廳 (觀點中心) (Closed)

平時經過見到哩度好多人食野的，今晚唔知系咪因為夜定落雨，見到都好易就會等到位，所以同朋友決定食哩間，哩度好多韓國美食都好吸引，我同朋友都唔想食太辣同太熱氣既食品，所以決定點燴牛肋准山麵(怕辣可以轉豬骨湯底)、柚子蜜糖雞翼炒年糕及芒果窩芙。台面上每枱都有樽水同杯，方便自由湛，准山麵好快就到，賣相相當美味，食落麵質非常滑流，牛肋一咬就好淋好入味，見到牛肋的汁內仲有些茄子和紅蘿蔔配菜，而個麵本身都附有些木耳絲和粟米，另外想食辣，佢有碟泡菜跟埋黎，可自由配搭，而整碗麵黎講我覺得都好夠蔬菜，好有營。柚子蜜糖雞翼炒年糕，份量很多，有成6隻大雞翼，底下仲有好多年糕，原本佢個汁應該系帶點辣的，但蜜糖既甜味中和左，所以食落唔算太辣。當我們食完個年糕後，店員幫我地執拾好台面，之後即叫廚房起我們的甜品，我們一邊睇住K-Pop的明星又唱又跳一邊等，大概過左十分鐘左右時間，芒果窩芙便送上，窩芙分左4塊，面頭有很多芒果粒，中間有個濃郁既牛奶味雪糕，配埋芒果、朱古力醬及粟米片粒粒仲有些cheese cake粒粒，食完之後超飽。哩度食物份量真系算好大份，而且價錢適中，有機會一定要再同朋友去食。