梁山泊日本料理 (Closed)

去睇演唱會前嗱嗱臨呢個商場搵一間餐廳，醫飽肚就去睇show冇話特別想食乜，只係想搵間有位嘅餐廳，見呢度有位，所以就入咗去同朋友叫咗一個鵝肝炒飯、一碗叉燒烏冬、一支完熟桃梳打烏冬就不過不失，個湯底係日式醬油，所以都幾好味，鹹甜適中，可惜嘅係，份量真係唔多， $85 ，食完都唔覺太飽 朋友叫嘅鵝肝炒飯雖然都明白鵝肝成本好貴，但係落嘅份量真係有啲少，食落就好似一個冇餸普通嘅炒飯，但都要$115抵唔抵食，就見仁見智啦 令我覺得驚奇嘅係，碟身本身都幾高下，所以飯嘅份量亦都唔係太多 全餐最滿意就係呢支梳打，好好味😋另外一提就係坐咗卡位，都算坐得好舒服，離其他食客好遠，喺疫情下，都算係一個可取嘅地方