Grubers (Closed)

睇戲前黎個速食晚餐，喺戲院隔離就有漢堡包店，見佢都好似幾有特色咁，試吓先~佢有套餐供應，我揀咗黑松露牛肉漢堡，配料要咗蘑菇同埋焦糖洋蔥，小食要左沙律，飲品要咗奇異果汁，同行嘅有人要左墨西哥辣椒牛肉漢堡，配料要咗蛋同埋煙肉，另外小食要咗炸雞塊同埋薯條，飲品見佢有香港品牌手工啤，所以叫咗黎試吓。點完餐先拎咗沙律同埋飲品，沙律嘅菜煙肉麵包粒同埋沙律醬都分開上可以隨着個人喜好加入，沙律菜新鮮！食個沙律可以平衡返食漢堡包嘅罪惡感之後服務員就送上漢堡包同埋薯條炸及炸雞塊。漢堡包包裝精美，拆開就見到熱辣辣嘅漢堡包，黑松露牛肉漢堡果然好勁黑松露味，漢堡包都有黑松露味感覺非常之高級， 已配料嘅蘑菇炒得好香加埋焦糖洋蔥成個配搭都非常之好，焦糖洋蔥係香港漢堡包店比較少用嘅食材，但係其實係外國係非常之流行嘅！講下個小食先，佢個薯條係扁新但係闊嘅薯條炸得好香口，重點係個炸雞塊真係超級好食佢唔係一般快餐連鎖店嘅麥x雞嘅質地，佢真係似鮮雞肉嘅質地然後包左炸漿拎去炸，啱啱炸起熱辣辣咁，真係好好味，結果忍唔住encore左一份細嘅5件友人嘅手工啤隻玻璃杯都好有特色！