Made in HK Restaurant (Closed)

今日黎左朗豪坊睇戲，係入埸之前決定係商場搵食，填飽個肚先。選擇太多，最後唔想麻煩，決定揀戲院門前的餐廳。這間走港式餐廳路線，幾有特色。座位夠哂闊落，坐得舒服😌野食都有好多選擇，價錢都還可接受。😚先叫了小食拼盤，都幾豐富喎！有炸雞翼，雞翼炸到好香脆，仲有南乳味，食落好惹味！炸魷魚圈，炸粗薯條🍟配上黑松露醬，好滋味🤤徳國肉腸同蒜香牛柳粒，味道濃郁好juicy!法式焗田螺，即叫即焗。田螺，加上香草調味料，癖去腥味，食落爽口，好味。仲有焗薯蓉舖底，食落好creamy好香滑😁焗俄國牛柳絲藜麥飯 🍚焗到好香既牛柳味，香濃既茄醬汁，酸酸甜甜好開胃，仲以藜麥飯代替白飯，食落更有口感。牛柳夠哂嫩，焗完都唔會話好乾，都唔錯！朋友就叫左威靈頓牛柳配黑松露磨菇汁🐂幾難道高既一道菜。牛柳外層包住酥皮，再焗一焗。酥皮焗到好鬆化，好香。牛柳流出肉汁，口感豐富。又幾特別！仲有蔬菜🥬配菜食，可以解一解油膩。另外可以加錢升級set dinner ,配埋薯仔沙律同飲品添😬食到好飽！