元札幌拉麵 (宇晴軒商場) (Closed)

話說去開荔枝角想搵野食，開openrice 睇下見呢間咁少負評，直覺唔好食都應該唔會差得去邊，穩陣起見都係見兩碗麵試水溫。兩碗麵皂水味都好重，我會形容呢啲叫港式日本拉麵，當然唔少得港式拉麵常見配置既粟米粒，去到呢度都知已經衰左。地獄拉麵，辣就係辣，但感覺係師傅唔小心甩左個蓋倒多左辣椒粉果種辣，可以形容為味精辣，質感味道都無深度可言，感覺上三哥果種辣還比佢優勝，其他方面無咩值得評論。另一碗Ankake拉麵，英文叫Sticky soup ramen，店員同我講其實係醬油拉麵，仲煞有介事同我講個麵已經「改良咗」無咁杰。黎到果然無呃我，真係唔杰，真係一碗港式醬油拉麵，然而我真係唔知邊一忽sticky。食拉麵唔好食我大可當自己去左搵三哥，但兩碗麵開價七十幾蚊碗，其實都幾離譜，基本上去foodcourt俾四十幾蚊都係呢啲質素。