Video
Read full review
2023-01-30
72 views
岩岩日本之旅意猶未盡，真係好想再去多次😌未去到旅行，都要滿足一下口腹之慾😍我地今次揀左中環呢間和牛懷石料理，佢地全部用既都係鹿兒島小田和牛，而且每晚只招待幾位客人，睇住大廚即席烹煮，真係超級享受，岩晒紀念日/生日慶祝🥳先付用上小田和牛腓力部位，配以燒帶子、炸蓮藕，加埋以雞牛燉煮既上湯，加上蘿蔔蓉做成汁，味道層次超級豐富，但係食落非常清甜😌為今餐揭開序幕，令人非常期待下一道菜座付厚切牛舌湯，牛肉湯加柴魚高湯做既湯底，好清甜，而牛告能夠保持爽彈口感而不會變靭，煮得好好，食到濃濃既牛脂香味😌上面的蘿蔔切成針葉狀，夾住小白菜，看到大廚對擺盤的美學🤩什有秋冬意色☺️同時上埋，和牛壽司，和牛鮮嫩細滑，肉味香濃👍🏻向付非常矜貴的一道菜，和牛他他，和牛伴上酸瓜、洋蔥🧅，上面仲有新鮮既海膽同魚子醬😍一打開仲有櫻花木煙薰既香氣，真係色香味俱全👍🏻廚師就建議我地可以先就咁食，食左原味先，再試下放上紫菜天婦羅上一齊食，會有另一種效果😊温物和牛sukiyaki，廚師煮之前，拎左出黎比大家欣賞一下和牛既油花，大家都即時心心眼😍大廚用了Shabu shabu的煮法來煮和牛，令油脂唔會即時凝固，減低油膩感😍上枱時，仲會
我地今次揀左中環呢間和牛懷石料理，佢地全部用既都係鹿兒島小田和牛，而且每晚只招待幾位客人，睇住大廚即席烹煮，真係超級享受，岩晒紀念日/生日慶祝🥳
先付
用上小田和牛腓力部位，配以燒帶子、炸蓮藕，加埋以雞牛燉煮既上湯，加上蘿蔔蓉做成汁，味道層次超級豐富，但係食落非常清甜😌為今餐揭開序幕，令人非常期待下一道菜
座付
厚切牛舌湯，牛肉湯加柴魚高湯做既湯底，好清甜，而牛告能夠保持爽彈口感而不會變靭，煮得好好，食到濃濃既牛脂香味😌上面的蘿蔔切成針葉狀，夾住小白菜，看到大廚對擺盤的美學🤩什有秋冬意色☺️同時上埋，和牛壽司，和牛鮮嫩細滑，肉味香濃👍🏻
向付
非常矜貴的一道菜，和牛他他，和牛伴上酸瓜、洋蔥🧅，上面仲有新鮮既海膽同魚子醬😍一打開仲有櫻花木煙薰既香氣，真係色香味俱全👍🏻廚師就建議我地可以先就咁食，食左原味先，再試下放上紫菜天婦羅上一齊食，會有另一種效果😊
温物
和牛sukiyaki，廚師煮之前，拎左出黎比大家欣賞一下和牛既油花，大家都即時心心眼😍大廚用了Shabu shabu的煮法來煮和牛，令油脂唔會即時凝固，減低油膩感😍上枱時，仲會係客人面前加入新鮮黑松露，大家都睇得好開心🥳當然味道都非常好食，最黎仲送上黑松露飯，俾我地撈晒啲汁食，真係100分享受😌
箸休
成餐飯食到一半，安排咗一個柚子雪芭，清一清口腔，解一解油膩🥰
強肴
吉列牛扒三文治，配上黑松露醬㗎魚子醬，非常矜貴，令一邊加上海膽，令一番滋味！店員建議先食海膽，再拎中間紫色嘅甘露紙巾，清一清口腔，再食魚子醬口味，軟冧既牛肉，加上咸鮮魚子醬，味道口感層次非常豐富🤩
煮物
寫物係一個味道比較清新既一道菜，和牛清湯，入入京都黎既水菜，最底下仲有白子😊平時會用魚既，今日我地食既就係雞白子🥳廚師都會因應當時時令食材，對餐單作出變化🤩真係次次黎都會有驚喜架🥰
燒物
燒黃牛西冷，配上鵝肝，自定醃製既桔仔，加上秋意濃濃既擺盤，未食已經滿足左視覺享受，而且用黎做裝飾既係炸左既蕎麥麵，食得架，非常特別🥰吉列左既鵝肝，外脆內軟，非常Juicy，一咬就爆汁，媽媽而家都仲回味緊😍
手卷
一貫徹呢度既懷石料理既風格，將鮮味同和牛結合，今次頂層用上三文魚子，粒粒晶瑩剔透，光澤飽滿，一口爆汁🤩下面包住和牛，青瓜同Sukiyaki 既洋蔥，所以一啖入面，仲食到蔬菜既甜味😋而佢哋嘅紫菜亦都非常講究，係用咗皇家御用嘅金紫菜
食事
大大塊和牛好似被咁蓋係稻庭烏冬上面，師傅再用過湯，將和牛浸到半生熟，非常嫩滑，真係滑到滑蛋咁😍柴魚高湯非常清甜，烏冬煙韌彈牙👍🏻👍🏻而和牛壽司用左腓力部位，口感軟腍，肉味香濃，上面加左小小乾燥魚子醬鹽，令味道更加有層次😊
甜品
甜品沖繩海鹽雪糕，加栗子蓉，冬季嘅栗子就係最甜嘅，再加埋最中餅一齊食，口感層次非常豐富！
Post
