居食屋「和民」 (置富都會)

Open Now

Now Closed

今日係自從和民裝修冇咗學生餐後，第一次去食。窮JJ 都係食返d平價餐，有兩個$49 餐，分別係燒雞扒定食，同埋栗米牛肉石頭鍋飯。爭扎咗陣，都係食石頭鍋飯，食係香口嘅飯焦。同聽下炸炸聲，聽覺享受。石頭鍋飯故名思意當然用石頭鍋載住，神奇嘅位係佢出面仲有個四四方方嘅鍋黎保持溫度。所以望落去好似好巨大，但其實個飯好細，牛肉少，栗米仲少。睇相好似好多牛，但其實一收縮得返好少。相信男仔食一定食唔飽。牛肉薄片四五片，獨零零咁，好彩都有牛味，亦唔會食到成口脂。整體味道方面愈食愈咸，要食返餐配嘅沙津，同飲品。