根

Open Now

Now Closed

聽朋友講呢間Cafe裝修好靚，所以專程入去朝聖。我係Mikiki商場行過去，經條天橋再落地面行約１５—２０分鐘先到。好彩去到唔洗排隊！門口有張超長櫈，個日冇咩人坐。因為呢個位其實係行去前面屋苑既通道，坐呢度會有好多人係前面行來行去，所以我決定唔坐出面喇。我坐咗係鋪頭入面既大樹區。此位置應該鋪頭最靚既位置，因為好多人係呢邊影相呀。整體成間鋪頭以白，綠，啡為主要色調，非常和諧。 可能因為呢度周圍都係工地，更突顥呢度好 Cｈｉｌｌ，會有一種係石屎森林中清新綠色世外桃源既空間ＦＥＥＬ～我地order了抺茶latte 同手沖咖啡 Rwanda。抺茶latte係沒有落甜的個個版本，我不太喜歡，青菜蘿蔔各有喜好喇。我之後有問職員拎了少少糖漿自己加落去。揀豆既時候，Rwanda 豆包裝上寫既風味有士多啤梨同茶感，我便選擇咗呢包豆。先聞咗一下磨咗既粉味，呢包豆應該已開一段時日喇，啲果香味揮發曬。實際飲一啖後，有輕身的茶感，亦都唔會太酸，但士多啤梨倒不太感覺到了。總括黎講，裝修很好看但我選擇既倆杯野飲就一般了。