Video
Read full review
2018-11-12
185 views
喺石門工作半年，發現石門比想象中多野食好多。最近公司樓下開咗間裝修好fresh嘅蠔房，正正就喺裝修緊嘅陳X記同X仔米線中間，想也知道蠔房價位一定會比另兩間平民美食更高。裝修好兩星期，一直想試，咁啱男朋友黎接收工，即刻帶佢黎撐抬腳一入到去，就見到上座率並不高。不過幸好坐咗一陣，收工嘅人陸陸續續黎食飯。餐廳服務極好，一開始先黎介紹餐單。見到我同男朋友都不太餓的樣子，佢地馬上很貼心地說：「我們主打不是main course，而是生蠔。所以都有人兩個嗌一個main course，然後主要食生蠔。」咁因為真係lunch食太飽，我同男友叫咗個中國臘腸雞肉西班牙燴飯嘅fusion飯試下。套餐另可加其他side dish，我地加咗48蚊兩隻生蠔。另有一杯綠茶。我地另外再叫咗兩隻Gillardeau法國生蠔（買一送一，58）。讚下店員好熟書，應該都係喜愛生蠔之人。先上咗生蠔，廚師推薦咗愛爾蘭生蠔比我地，唔太大隻，但鮮甜爽口，比較淡味，都吊了少少胃口。然後再試另加嘅法國生蠔。呢個價錢自然唔太大隻，但勝在海水味濃，入口回甘，順滑，完全對得起價錢。等餸等得有少少耐，就上咗是日餐湯南瓜湯同我地叫嘅燴飯。南瓜湯不
一入到去，就見到上座率並不高。
不過幸好坐咗一陣，收工嘅人陸陸續續黎食飯。餐廳服務極好，一開始先黎介紹餐單。見到我同男朋友都不太餓的樣子，佢地馬上很貼心地說：「我們主打不是main course，而是生蠔。所以都有人兩個嗌一個main course，然後主要食生蠔。」
咁因為真係lunch食太飽，我同男友叫咗個中國臘腸雞肉西班牙燴飯嘅fusion飯試下。套餐另可加其他side dish，我地加咗48蚊兩隻生蠔。另有一杯綠茶。我地另外再叫咗兩隻Gillardeau法國生蠔（買一送一，58）。讚下店員好熟書，應該都係喜愛生蠔之人。
先上咗生蠔，廚師推薦咗愛爾蘭生蠔比我地，唔太大隻，但鮮甜爽口，比較淡味，都吊了少少胃口。然後再試另加嘅法國生蠔。呢個價錢自然唔太大隻，但勝在海水味濃，入口回甘，順滑，完全對得起價錢。
等餸等得有少少耐，就上咗是日餐湯南瓜湯同我地叫嘅燴飯。南瓜湯不功不過，不太「結」，但味道濃郁。但不得不說，呢個飯真係好出色，無諗過臘肉會同燴飯咁match。色澤金黃，令人食慾大開。燴飯嘅汁剛剛好，並唔會令飯太過膩味。而且分量都足，兩個（唔餓）嘅人食都夠，相信餓底嘅人都食得飽。
個Main course太出色，以至於我覺得佢地話自己唔係主打main course真係太過自謙。上班地段，晚上上座率確實不高，但在鋪租昂貴之下，能食到如此價錢尚可質素不錯嘅餐廳，真真令我呢個懶得打食評嘅人奉上自己嘅處女評。（btw，另收加一是常識吧）
生蠔
58 views
0 likes
0 comments
中國臘腸雞肉西班牙燴飯
$88
50 views
0 likes
0 comments
Post
