Coti (京瑞廣場2期)

Open Now

Now Closed

悠閒的週一下午，同朋友來到這裡試試他們的午餐。 我點左蒲燒鰻魚滑蛋飯鰻魚一大條, 同手掌一樣咁大，肉質結實，淋上蒲燒汁，送飯一流。滑蛋應係用左不少牛油炒，每一口都充滿牛油香， 而且係超級滑，好好味，滑蛋有驚喜! 朋友叫左日式照燒雞扒飯雞扒並唔係我想像的一大塊雞扒，而係三小塊薄薄的雞扒，其實一開始係有少少失望。但係味道真係有驚喜，雞扒用左黑椒調醃製，好入味，最出色係表面煎得香香脆脆，雞肉都好嫩，口感不錯。 飲品方面, 我點了玫瑰Latte，奶泡上撒了幾塊玫瑰花瓣，打卡靚之餘，入口有微微玫瑰花香。 朋友點了奶醬啡，個名特別之餘，賣相都好特別。杯既外面同杯邊用朱古力痴上碎果仁，每一口都會食到朱古力加碎果仁，咖啡中加左少少花生醬，咖啡甘香中帶些微花生醬香，估唔到又夾得到，幾得意。 整體呢到既食物都幾高質，有賣相之餘同時都好好味，值得一試。