麵道 (Closed)

石門呢間拉麵店喺正地鐵站隔離，成日經過，終於約倒朋友食🥰🐟伊勢海老豚骨湯拉麵 $87個湯底豬骨同魚味都好濃，但又唔會好油膩，飲落口好順滑🥹 拉麵揀咗幼麵所以好吸湯，叉燒大大塊，表層燒得好香，肥瘦比例啱啱好，同埋好淋，一咬落口就好似融喺口🥰 湯裏頭仲收埋咗兩粒迷你雲吞🤩+ 滿腹套餐 配小食+飲品 $25🐔天婦羅無骨雞翼個天婦羅皮做到好薄！雞翼好大隻，去咗骨食落啖啖肉似雞扒🤣 面頭有啲明太子粉，食落好惹味～ 🍺日本生啤（小）生啤唔使加錢，份量都唔細，味道唔會好苦，女仔都啱飲🐷醬油豚骨湯拉麵 $77醬油豚骨個湯底係奶白色，因為加咗醬油會鹹啲，所以朋友揀咗湯底做淡味，食落就啱啱好😝 飲落膠質重，同埋好重豚骨味！配菜仲有啲爽口嘅木耳絲😝 朋友驚唔夠食所以加咗底，但其實一碗份量都好多！+ 滿腹套餐🥟羽根燒餃子餃子有4隻，一人小食嚟覺份量好足☺️ 個底煎到好脆但唔會好油🥤支装麥茶-呢間小店座位唔多，但食落有驚喜，食物質素係石門數一數二高😁 嚟開沙田呢區又想食拉麵好推薦呢間☺️-味道: 8/10服務: 8/10環境: 7.5/10回頭率: 8/10總評: 8/10💰人均消費: $110