Video
Read full review
2023-01-22
517 views
本來屋企上星期已食團年飯, 但既然能安排除夕回老家就一齊去西貢食飯跟著去行年宵。金輝在禁堂食期間都經常來買外賣, 因為仔女都鐘意食海膽炒飯。 可堂食後都來過3次, 今次第4次了。哩嗰時候去食飯都預咗要被抽水。1個大人、1個老人家加兩個後生,要咗隻3斤6兩南澳龍$488/斤。點都有番2斤幾食呱。 點之上枱,要芝士變上湯,仲要得番1斤零無舊好肉。 問啲伙記就面青青講唔知,同你問問。 佢撞正我注定當黑。因為本人哩十幾年就帶兩個細路仔通處走通處食。海鮮就更唔使講, 全香港有海鮮食都去過,仲會經常去。青山灣忠仔記入面的水池就當係魚缸咁。 啲伙記都知我只要大隻南澳龍4斤幾呀5斤就啱啦。 夠唔夠斤兩一睇就心裡有數。不過去都咁大咬就真係平生第一次。 人哋抽水會無咗1/3,1/4, 宜家係我得番啲抽水剩1/3,1/4。 就算知道出聲都無用, 但唔出聲就真係連尊嚴都無埋。話晒佢地方,就走出去找他細聲同佢講我隻龍蝦3斤6兩差好遠喎。 佢連望我都唔敢,只話得你一個係魚缸要龍蝦無換咗你架。 係咪X拍後尾枕??? 唔都無話你換,不過唔夠數。 我同佢講我特登出來找你就係要由你親口講3斤6兩係入面枱面
金輝在禁堂食期間都經常來買外賣, 因為仔女都鐘意食海膽炒飯。 可堂食後都來過3次, 今次第4次了。哩嗰時候去食飯都預咗要被抽水。1個大人、1個老人家加兩個後生,要咗隻3斤6兩南澳龍$488/斤。點都有番2斤幾食呱。 點之上枱,要芝士變上湯,仲要得番1斤零無舊好肉。 問啲伙記就面青青講唔知,同你問問。 佢撞正我注定當黑。因為本人哩十幾年就帶兩個細路仔通處走通處食。海鮮就更唔使講, 全香港有海鮮食都去過,仲會經常去。青山灣忠仔記入面的水池就當係魚缸咁。 啲伙記都知我只要大隻南澳龍4斤幾呀5斤就啱啦。 夠唔夠斤兩一睇就心裡有數。不過去都咁大咬就真係平生第一次。 人哋抽水會無咗1/3,1/4, 宜家係我得番啲抽水剩1/3,1/4。
就算知道出聲都無用, 但唔出聲就真係連尊嚴都無埋。話晒佢地方,就走出去找他細聲同佢講我隻龍蝦3斤6兩差好遠喎。 佢連望我都唔敢,只話得你一個係魚缸要龍蝦無換咗你架。 係咪X拍後尾枕??? 唔都無話你換,不過唔夠數。 我同佢講我特登出來找你就係要由你親口講3斤6兩係入面枱面咁多, 唔使再講第二句。 跟著就番去同屋企人繼續食飯。 因為再討論都係多餘。
肥老闆平時扮晒友善,一行入來就笑著口問有位未。 但做生意無得靠扮, 哩啲套路一鋪就現形。
今晚選了3斤6兩南澳龍蝦$488/斤, 斤頭石蚌$12/兩,4隻鮑魚,半扎聖子,4隻背扇貝,鹽水沙蛤和海膽炒飯。 共$3,711,人頭$928/個。 唔好同海天,容龍比。 就同番西貢全記和勝記比。 佢就算足斤兩都係離晒譜,更不要講龍蝦唔夠秤。扇貝仲細到係街市買都隨時大嗰佢。炒飯仲要係炒定回晒潮。
做生意做到咁,好明顯都唔預你返轉頭, 鐡定心腸來一個坑一個。 除咗BLACKLIST佢唔再去,就係通傳各群組朋友圈 - 小心為上啦。
Post