一芳台灣水果茶 (Closed)

同朋友喺旺角行街，行咗一陣就覺得有啲口渴，咁喺旺角就一定要飲珍珠奶茶啦。早排已經聽過一芳呢個大名，難得喺台灣過到嚟香港，就一定要去試下。排隊嗰陣時就問咗個店員，邊一杯嘢飲最賣得同埋最好飲，我哋就聽佢建議，買咗珍珠奶茶，佢仲建議我哋半糖 ，我哋照樣跟住買呢個甜度，點知就中左伏！杯野變得淡而無味，奶味又唔重，得一啲苦澀嘅茶味，而珍珠方面都冇甜味，但係煙韌程度都可以接受嘅，如果下一次去，一定要嗌正常甜度。