Video
Read full review
2011-04-02
556 views
是日十五, 下午, 當然要陪著太太, 到佛堂一趟. 出門前, 太太點一點雪格的東西. 她的齋也食得七七八八. 於是, 決定早一點出門, 來到置富呢一頭, 找那一家相熟的素食食品店買野. Skip了午餐的我們, 當然也就地找一家茶餐廳, Tea一Tea.好快就有目標啦, 因為上次泊車係街市, 對面就有一家古色兼古香的茶餐廳, 呢間茶餐廳仲要傳統到賣麵包西餅. 而家, 真係買少見少. 我們入來, 一片舊既色彩已經籠罩著我們, 帶點懷舊, 又帶點殘舊.食素的太太, 點了一個鮮油多. 看圖中的一片大牛油已經知道是傳統的從一大盒鮮牛油中, 厚厚的剖開一層油, 再夾在兩片多士中間. 啖啖鮮牛油香, 啖啖脂肪, 啖啖膽固醇. 齋妹吃完投訴....都是你, 又害我減唔到肥........ 我大食, 就叫一個公仔麵餐. 點選的, 是豬扒公仔麵. 以前細個食茶餐廳, 食傳統的叉燒湯意, 係會用一個飲西湯既碟仔上的. 而呢一間古老茶餐廳, 保留了呢一個傳統, 我的豬扒公仔麵, 也一樣的用碟上. 早知佢地咁傳統, 我也來一個叉燒湯意.公仔麵, 有肉有菜, 有點佩服呢一隻碟仔
好快就有目標啦, 因為上次泊車係街市, 對面就有一家古色兼古香的茶餐廳, 呢間茶餐廳仲要傳統到賣麵包西餅. 而家, 真係買少見少. 我們入來, 一片舊既色彩已經籠罩著我們, 帶點懷舊, 又帶點殘舊.
食素的太太, 點了一個鮮油多. 看圖中的一片大牛油已經知道是傳統的從一大盒鮮牛油中, 厚厚的剖開一層油, 再夾在兩片多士中間. 啖啖鮮牛油香, 啖啖脂肪, 啖啖膽固醇. 齋妹吃完投訴....都是你, 又害我減唔到肥........
我大食, 就叫一個公仔麵餐. 點選的, 是豬扒公仔麵. 以前細個食茶餐廳, 食傳統的叉燒湯意, 係會用一個飲西湯既碟仔上的. 而呢一間古老茶餐廳, 保留了呢一個傳統, 我的豬扒公仔麵, 也一樣的用碟上. 早知佢地咁傳統, 我也來一個叉燒湯意.
公仔麵, 有肉有菜, 有點佩服呢一隻碟仔, 原來可以裝到咁大份量既野. 豬扒, 是香前的豬扒, 再切成一條條方便食. 湯底, 雖是普通的光身麵底, 但應該有把煎豬扒的肉汁混了進去, 起油之餘, 湯底也有啖啖的豬扒香.
奶茶, 也是非常合格的.
飲飽食醉後, 看看時間, 差不多5:30了, 夠哂鐘, 我們要去佛堂, 報個到.
Post
