Video
Read full review
2019-07-21
68 views
懶人包：份量大、落足料、好食。▼▼▼詳情▼▼▼今晚同朋友來到山林道搵食，試下呢間社企餐廳。值得欣賞嘅地方係店員非常努力工作，亦有提供簡單手語教學，落單至到埋單離開都俾到好溫馨嘅感覺，社會上應該要多啲互相支持。前菜係蒜蓉法包（4塊）加餐湯。塊包脆卜卜，暖暖地嘅；湯就係廚師精選餐湯，次次都唔同款嘅，我地今晚飲嘅係蕃茄忌廉湯。我就鐘意一啖包一啖湯，個湯賣相好靚，拉晒花咁，影相放ig都好吸引。而且用料都好足，每一啖都好有質感，絕對唔係加水呃你秤。沙津有3揀1，我地叫左個 巴馬火腿田園沙律。巴馬火腿有夾埋蜜瓜，一啲都唔怕過咸，好好食；個醬係用無花果黑醋汁，食落開胃啲，沙津菜都唔苦，大大碟，好健康。朋友叫嘅沙津我覺得仲好食：煙三文魚田園沙律，佢配柚子沙律汁，2粒煙三文魚都圈得非常大舊。 拆開來睇，佢係3-4塊三文魚一齊圈做一舊，而且每塊都有厚度，即時覺得好抵食。主菜方面，朋友嘅 安格斯牛肉芝士漢堡，叫左5成熟，牛肉係非常大舊，成個漢堡其實都非常大份！牛肉煮到淋淋地，仲有啲肉汁流出來，夾埋芝士一齊食好正。 伴碟既薯條都多，值得推介！我就要左碟 去骨雞脾肉螺絲粉，個芝士忌廉汁非常好味，好creamy
▼▼▼詳情▼▼▼
今晚同朋友來到山林道搵食，試下呢間社企餐廳。值得欣賞嘅地方係店員非常努力工作，亦有提供簡單手語教學，落單至到埋單離開都俾到好溫馨嘅感覺，社會上應該要多啲互相支持。
前菜係蒜蓉法包（4塊）加餐湯。
塊包脆卜卜，暖暖地嘅；湯就係廚師精選餐湯，次次都唔同款嘅，我地今晚飲嘅係蕃茄忌廉湯。我就鐘意一啖包一啖湯，個湯賣相好靚，拉晒花咁，影相放ig都好吸引。
而且用料都好足，每一啖都好有質感，絕對唔係加水呃你秤。
蒜蓉法包加餐湯
0 views
1 likes
0 comments
沙津有3揀1，我地叫左個 巴馬火腿田園沙律。巴馬火腿有夾埋蜜瓜，一啲都唔怕過咸，好好食；個醬係用無花果黑醋汁，食落開胃啲，沙津菜都唔苦，大大碟，好健康。
巴馬火腿田園沙律
0 views
0 likes
0 comments
朋友叫嘅沙津我覺得仲好食：煙三文魚田園沙律，佢配柚子沙律汁，2粒煙三文魚都圈得非常大舊。 拆開來睇，佢係3-4塊三文魚一齊圈做一舊，而且每塊都有厚度，即時覺得好抵食。
煙三文魚田園沙律
11 views
1 likes
0 comments
主菜方面，朋友嘅 安格斯牛肉芝士漢堡，叫左5成熟，牛肉係非常大舊，成個漢堡其實都非常大份！牛肉煮到淋淋地，仲有啲肉汁流出來，夾埋芝士一齊食好正。 伴碟既薯條都多，值得推介！
安格斯牛肉芝士漢堡
0 views
1 likes
0 comments
我就要左碟 去骨雞脾肉螺絲粉，個芝士忌廉汁非常好味，好creamy 好heavy，所以我食左2塊雞脾肉同幾啖螺絲粉就飽得濟食唔落了。😂 雞肉好嫩滑，好食。
為左唔好浪費食物，問左店員要盒裝起。佢地都好環保，用紙盒裝既，入面有層蠟蠟地既面唔怕漏。拎到返去屋企人食過都讚個忌廉汁好味。
本身唔知碟碟都咁大份，所以另外叫多左個黑松露芝士薯條，黑松露同芝士都落左唔少，成隻碟都堆滿晒薯條，焗到熱辣辣有少少燶邊，非常好食，如果一班朋友來食飯的話我非常推薦呢一碟。
黑松露芝士薯條
0 views
1 likes
0 comments
我地2個坐左好耐吹水，落埋飲品：熱檸茶同熱檸水，慢慢都清晒堆薯條。
甜品方面今晚唔好彩，冇得試佢地嘅士多啤梨泡芙山（原本見openrice其他食評影得好吸引😭），於是叫左2碟朱古力Brownie。賣相靚，隻碟都係凍嘅，朱古力幾濃厚，可以做到一口吃。
朱古力Brownie
0 views
0 likes
0 comments
整體而言，食物質素好好，服務好好。
Post
