神石燒 (八號花園) (Closed)

好耐都冇食神石燒啦！近近地我地去左大埔八號花園食「神石燒牛扒專門店」。餐廳有多款套餐、除了神石燒，亦有壽喜燒可以選擇，而且仲有午市放題，可以食到不同肉類，價錢合理。午市放題（$209/75分鍾）附送自助沙律吧及汽水一罐店內設有沙律吧，有紫菜飯、湯、兩款沙律，沙律新鮮，無限添加，擺放得乾淨企理。放題有8款肉類可以選擇我地點了美國金裝和牛、澳洲穀飼100日牛扒、美國安格斯牛膈肌漢堡扒、美國CAB黑安格斯牛肩胛扒。牛肉上枱時只有一成熟，根據自己喜愛既生熟程度燒來食，其中美國金裝和牛燒一燒就可以食，油脂非常豐富，肉質細嫩，牛味濃郁，其他幾款牛，只需加少許鹽或黑椒，肉味更提升，口感味道亦相當唔錯。而且仲有追加限定日本A5和牛$1=1g 超抵食，但我地食得太飽，追加唔到。