小糖鈕 (Closed)

喺尖沙咀食完晚飯，想搵甜品食，有人提議去“小糖鈕”。舖內以鈕扣做裝飾，牆上掛滿手繪圖畫，令人心曠神怡。職員誠意推介‘大糖鈕特選拼盤’，有餐牌內五款主打甜品，再加三款神秘甜品，足夠四人份量，即管試試。 拼盤端來的時侯，餐廳負責人逐一介紹甜品的味道，並提議有三款較濃味的可以最後品嚐，以免影響味蕾，好窩心的安排。拼盤色彩繽紛，八款不同味道的甜品造型令人讚歎。首先一個白色磨菇頗為吸晴，加上松露味嘅忌廉及慕絲，味道極之特別又出奇地匹配，這就是驚喜了。再來一個玻璃杯裝住粒黑色話梅，兩塊山楂片，加埋甜酸話梅味啫喱及軟滑布甸，口味更特別，係非一般神秘甜品。另外一款主打甜品‘柚輪’，由鬆脆無比、圓圈型拿破崙配合柚子肉，清新設計，令人難忘，滿意滿分。我最喜歡呢款綠茶芝士冰餅配黑朱古力，因為朱古力味超濃，係黑朱古力迷嘅最愛，口感好滑好似食緊軟雪糕再有一款係用酒做嘅甜點，類似燉蛋，上面配上啫喱同朱古力脆片，味道較濃甜品師創造不同驚喜、藝術造型又神秘的口味去迎合不同人的喜好， 想必吸引到你的青睞！