龍城冰室

Open Now

Now Closed

九龍灣街坊茶記，選擇好多，野食熱辣辣，有鑊氣。普通五十幾蚊食個飯，包配湯，唔洗加一。晚市套餐包野飲七十幾蚊左右，d 小菜都幾出色，兩小口食飯/ 一家人4/5個人都可以照顧到。不過繁忙時間通常都等得比較耐，好多外賣訂單。老公最鍾意食佢既福建炒飯，話有汁易餸飯。配料有用上雞肉，雜錦海鮮，翠玉瓜同蝦仁，調味適中，唔會太鹹。欣賞佢個炒飯底，蛋絲同飯粒粒分明，炒得好乾身，大大碟，好抵食。另外今日試左個XO醬海鮮粉絲煲，不過就普普通通。粉絲炒得太乾，冇咩XO 醬味，海鮮有兩塊魷魚一復青口，兩隻蝦同一塊魚塊（兩隻麻雀size），另外有啲椰菜鋪底。上菜以為熱辣辣，但係食落只係暖暖哋，煲熱煲唔熱。餐仲配一碗白飯，基本上都食唔到一半，因為食粉絲已經飽咗。茶餐廳基本上就唔期望有咩服務態度，只可以話暫時未有太差既體驗。同埋只收現金呢個做法都真係幾唔方便，如果可以增加其他付款方式就好了。