Video
Read full review
2019-09-27
91 views
風雨飄搖嘅日子裡，真係要錫自己多啲，食好嘢係好治癒架，今日就揀咗食鐡板燒。店內柔和木系米色裝潢，襯托牆上一幅水墨浪濤，既大氣又有生命力。由於大小鐡板都被預訂了，我哋就坐响壽司吧旁邊嘅卡位，店員勤快送上熱茶同毛巾。揀咗鐡板燒套餐 (松) $1,280前菜、剌身、甘鯛魚、大蝦、時令貝類、和牛薄燒卷、雜錦野菜炒飯、麵豉湯及漬物、甜品。前菜3點，器皿同擺盤都好靚：胡麻豆腐、八爪魚漬配蜜瓜仔漬、吞拿魚漬。店員提示由淡味嘅豆腐開始食，最後先至食吞拿魚漬。豆腐上面放咗海藻同迷你蕃茄仔，豆腐口感軟滑，芝味香濃。八爪魚漬煙韌有咬口，配埋酸甜嘅蜜瓜仔漬 ；好開胃。吞拿魚魚味香濃，配埋清新嘅柚子皮，好夾喎。剌身係蘋果木煙薰帶子上枱時用高身玻璃蓋罩住，望落一片白濛濛咩都睇唔到。一打開蓋，仙氣飄逸，擺盤好靚，橙色係墨西哥尖椒醬。厚切帶子輕炙，再襯上金箔，零舍矜貴。帶子輕爽鮮甜，點埋尖椒醬，更好味。甘鯛魚擺盤同器皿都好靚，甘鯛魚唔係金目鯛呀，係日本馬頭魚嚟架，佢出名味道鮮甜，配埋甘筍汁同紫蘇花，靚到呢..魚鱗炸到脆卜卜，全部都食得落肚，食落啖啖肉又鮮美，加埋清爽嘅甘筍汁好味！大蝦鐵板煎大蝦，蝦頭、身分開，蝦肉鮮甜
風雨飄搖嘅日子裡，
真係要錫自己多啲，
食好嘢係好治癒架，
今日就揀咗食鐡板燒。
店內柔和木系米色裝潢，襯托牆上一幅水墨浪濤，
既大氣又有生命力。
由於大小鐡板都被預訂了，我哋就坐响壽司吧旁邊嘅卡位，
店員勤快送上熱茶同毛巾。
揀咗鐡板燒套餐 (松) $1,280
前菜、剌身、甘鯛魚、大蝦、
時令貝類、和牛薄燒卷、雜錦野菜
炒飯、麵豉湯及漬物、甜品。
前菜3點，器皿同擺盤都好靚：胡麻豆腐、八爪魚漬配蜜瓜仔漬、吞拿魚漬。
店員提示由淡味嘅豆腐開始食，
最後先至食吞拿魚漬。
豆腐上面放咗海藻同迷你蕃茄仔，
豆腐口感軟滑，芝味香濃。
八爪魚漬煙韌有咬口，
配埋酸甜嘅蜜瓜仔漬 ；好開胃。
吞拿魚魚味香濃，配埋清新嘅柚子皮，好夾喎。
剌身係蘋果木煙薰帶子
上枱時用高身玻璃蓋罩住，
望落一片白濛濛咩都睇唔到。
一打開蓋，仙氣飄逸，擺盤好靚，橙色係墨西哥尖椒醬。
厚切帶子輕炙，再襯上金箔，零舍矜貴。
帶子輕爽鮮甜，
點埋尖椒醬，更好味。
甘鯛魚擺盤同器皿都好靚，
甘鯛魚唔係金目鯛呀，係日本馬頭魚嚟架，
佢出名味道鮮甜，
配埋甘筍汁同紫蘇花，
靚到呢..
魚鱗炸到脆卜卜，全部都食得落肚，
食落啖啖肉又鮮美，
加埋清爽嘅甘筍汁好味！
大蝦
鐵板煎大蝦，蝦頭、身分開，
蝦肉鮮甜爽彈，
就咁食已經好好食，
加上微酸嘅荷蘭汁，
又係另一種風味。
時令貝類係鮑魚
鮑魚口感軟彈，味道鮮香，下面嘅炆到入晒味嘅冬瓜，
配海苔蟹肉，
一樣都咁好味!
香梨雪葩
雪葩好香梨味，冰涼清甜，清一清口腔，好味。
我的黑豚肉薄燒卷
豚肉捲住薑、蔥、洋蔥，肉香夾住菜香，清新唔膩，
就咁食已好夠味，
伴碟嘅蕃薯都好甜好食。
雜錦野菜、炒飯、麵豉湯、漬物
白飯魚苗高菜蛋炒飯，炒飯粒粒分明好香，
配埋迷你魚仔同埋醃菜，
好夾又好食喎。
雜錦野菜係芽菜 炒椰菜 ，爽口又清甜。
甜品係夕張蜜瓜、蜜柑果凍、朱古力布朗尼。全部都好好食，
我腹滿足大滿足，
好開心嘅一晚。
Other Info. :
10%服務費
(The above review is the personal opinion of a user which does not represent OpenRice's point of view.)
Post
