龍蝦大王火焰醉鵝火鍋 (Closed)

同朋友在佐敦周圍搵食，搵搵下去到文英街，一條好多串燒火鍋的食街。泊好車四圍行下，都係決定打邊爐。街頭正正有一間超旺的火鍋店，仲主打龍蝦添。食物好簡單，用套餐形式，全包價。無訂位的情況下都等左約半個鐘，好彩在車內等，時間易打發。最後坐到室外二人位，別有一番風味。一坐低就有兩碟涼菜，真好。湯底選左店員推介的「火焰醉鵝」。鵝肉好多，好大鍋。店員加上酒後點火，好壯觀。點火過後，有點酒香的鵝肉份外好食。海鮮拼盤好豐富，有七款時令海鮮。街坊小店，賣相唔係好執著，但食落絕對有驚喜！龍蝦好新鮮，即叫即劏，淥三分鐘就可以食，鮮味十足，肉質亦好厚實。鮮蝦係新鮮海蝦，在拼盤上仍然識得郁，好生猛。熟後顏色有光澤，口感好彈牙，爽到有少少脆的感覺。無諗過行邊小店鮮蝦可以鮮到呢個地步。鮑魚佢地好細心起好左肉，唔駛用刀叉食。牛肉亦係驚喜，套餐內的牛肉竟是手切牛，完全唔比平時打邊爐單點的差。份量都好足，圖中只是二人份量。牛肉味好濃好重，屬靚牛。另外有幾款配料，以拼盤上，當中蝦滑最好食。蝦滑係店家手打，彈牙得很，仲有鮮蝦味。除了海鮮、牛肉、手工拼盤外，其他食物可以任點任叫。但我地已經好飽了，大食量的朋友可以放開肚皮食。臨