Video
Read full review
2008-04-17
11 views
在幾個食家的個人專頁都見到呢間餐廳推自己, 而這晚又路經上環, 一行四人就八卦去睇下, 發覺係一間非常唔起眼的cafe, 只有一兩檯客, 本想即時番上車, 但個餐廳經理以經拿著個餐牌出黎向我地介紹, 睇落個set dinner價錢又唔算太貴, 而且又全包, 橫掂都係就入去一試.餐廳裝修唔算好靚, 幾傳統西餐廳feel, 有d似西貢Susanna, 開放式廚房有d嘈同亂. 經理推介左個海鮮Risotto, 芝士金菰焗無皮雞扒, 羊扒同波菜三文魚扁意, 另加鵝肝一客. 頭盤係黑醋汁沙律, 本來我對食草無乜興趣, 但個黑醋汁好特別, 酸酸甜甜, 非常正, 草食唔晒但係汁就飲晒! 個湯就獨孤一味, 木瓜南瓜湯, 味就淡d. 蒜蓉法包就超正, 成塊包面都搽滿蒜蓉, 食完時叫經理送多每人一客都非常樂意. 鵝肝唔算好大份, 煎得乾身黑d, 經理話甘樣先會香口d, 又真係幾得, 個汁超正, 老友唔食鵝肝都用配菜點晒所有汁!主菜個risotto賣相幾好, 勁大碟, 隻大蝦真係幾大, 肉質幾好, 個飯夠芝士夠菰又唔油膩, 經理話就番香港人口味, 所以無乜生米感覺. 雞扒賣相一般(基本上三文魚意粉同
餐廳裝修唔算好靚, 幾傳統西餐廳feel, 有d似西貢Susanna, 開放式廚房有d嘈同亂. 經理推介左個海鮮Risotto, 芝士金菰焗無皮雞扒, 羊扒同波菜三文魚扁意, 另加鵝肝一客. 頭盤係黑醋汁沙律, 本來我對食草無乜興趣, 但個黑醋汁好特別, 酸酸甜甜, 非常正, 草食唔晒但係汁就飲晒! 個湯就獨孤一味, 木瓜南瓜湯, 味就淡d. 蒜蓉法包就超正, 成塊包面都搽滿蒜蓉, 食完時叫經理送多每人一客都非常樂意. 鵝肝唔算好大份, 煎得乾身黑d, 經理話甘樣先會香口d, 又真係幾得, 個汁超正, 老友唔食鵝肝都用配菜點晒所有汁!
主菜個risotto賣相幾好, 勁大碟, 隻大蝦真係幾大, 肉質幾好, 個飯夠芝士夠菰又唔油膩, 經理話就番香港人口味, 所以無乜生米感覺. 雞扒賣相一般(基本上三文魚意粉同羊扒都係), 但係好足料, 芝士白汁加金菰好特別, 蕃茄汁好濃好香,跟黎既飯叫比羅飯, 用洋蔥同香料煲, 有海南雞飯feel. 羊扒就好大塊, 有別於一般羊架, 但係以甘既價錢食到甘多羊肉就好抵, 又係個汁正, Rosemary汁, 跟餐意粉又係做足野, 落香料抄過, 好乾身. 三文魚意粉亦係好大碟同比足煙三文魚, 個波菜忌廉汁非常掂. 四個主菜都好大碟, 兩男兩女差d食唔晒. 甜品係芝士餅, 完全無賣相, 得d朱古力汁, 個餅一岩一忽, 本來無乜興趣, 食落先發覺味道同賣相差好遠, 算係我食過最好食既芝士餅, 經理話係自家出品, 好多熟客成個買番去, 盛惠$250一個! 抵唔抵就見人見至, 但係真係值得推介. 咖啡係即磨, quality唔差, 值得一提杯啡奶係熱既, 幾有heart. 最過癮就係杯奶茶, 味都ok, 但係竟然用茶餐廳保溫杯! 勁搞笑.
總括黎講食物質數非常掂, 由其係d汁. 加埋一每人唔使$120, 飽到番西環糖水都食唔到. 一如經理話齋, 餐廳同件芝士餅一樣, 好食但無外表. 真係禾稈冚珍珠, 值得再來.
Post
