醉翁亭火鍋館 (Closed)

近期好多餐廳都推出火鍋仼飲仼食，還有剌身前菜小食配搭，今日近近地去觀塘醉翁亭，地鐵站行幾分鐘就到，好方便呢。酒樓侍應個個都好有禮貌，有細心。剌身拼盤有希靈魚、三文魚、日本魷魚、北寄貝，全部都好新鮮好正常，三文魚仲係厚切。蠔皇金錢花膠，花膠好大舊仲好淋添，旁邊冬菇都好入味！我地叫左冬瓜瑤柱鍋，清清地打邊爐都唔錯！至尊水餃皇真係超大粒，應該有平時3粒既份量。極級牛頸脊，睇個樣已經好吸引，我喜歡淥30秒左右最好食。仲有青口、刀貝、聖子、海蝦、魚、午餐肉、魚頭雲、翠肉瓜等等，味道都係唔錯.....其實都好多種類。仼飲既選擇唔算太多，不過我覺得紙包飲品好好，細細包唔會浪費亦都可以飲更多款式，有柑桔、綠茶、荔枝、汽水、雪梨茶，最後仲有雪糕送添，好飽的晚餐！