Video
Read full review
2022-10-26
621 views
呢間純素cafe好高質，貝果質感比較煙韌啱我口味！已經不斷回訪好多次，一直係私心收藏嘅貝果專門店🥰小店形式經營，有兩層，室內同室外位置都有，裝修以藍白色調為主，都有好多打卡位。小店提供勁多唔同口味嘅Bagel dish同埋主食類，特別鍾意佢個bagel set，而家$100就可以買到五個裝嘅驚喜bagel盲盒（其中一個係原味），好玩又好食！如果買夠$250仲可以包送貨上門！佢啲bagel餡料好足，就算係麵包中間嘅連接位置都好爆餡，包體口感好煙韌！重點係，網頁有好成三十隻味可以揀，食足一個月都唔會厭！------------------------------◖黑朱古力麻薯◗ 10/10包體：朱古力；內餡：流心朱古力麻薯面頭有啲可可粉，可可味好濃郁，食落一啲都唔會酸！焗返熱佢食，外脆內軟，流心效果好出色，仲撈埋少少麻薯，口感十足！◖小山園抹茶紅豆麻薯◗ 8.5/10包體：抹茶；內餡：紅豆麻薯用上小山園抹茶粉，回甘唔苦，包體十分煙韌！◖伯爵茶焦糖餅乾麻薯◗ 7/10包體：伯爵茶；內餡：焦糖餅乾麻薯伯爵茶味香濃，相對淡味少少，面頭有啲焦糖奶酥，但太少味道唔太出。內餡嘅麻薯有粒粒焦糖餅碎
小店形式經營，有兩層，室內同室外位置都有，裝修以藍白色調為主，都有好多打卡位。小店提供勁多唔同口味嘅Bagel dish同埋主食類，特別鍾意佢個bagel set，而家$100就可以買到五個裝嘅驚喜bagel盲盒（其中一個係原味），好玩又好食！如果買夠$250仲可以包送貨上門！
佢啲bagel餡料好足，就算係麵包中間嘅連接位置都好爆餡，包體口感好煙韌！重點係，網頁有好成三十隻味可以揀，食足一個月都唔會厭！
------------------------------
◖黑朱古力麻薯◗ 10/10
包體：朱古力；內餡：流心朱古力麻薯
面頭有啲可可粉，可可味好濃郁，食落一啲都唔會酸！焗返熱佢食，外脆內軟，流心效果好出色，仲撈埋少少麻薯，口感十足！
◖小山園抹茶紅豆麻薯◗ 8.5/10
包體：抹茶；內餡：紅豆麻薯
用上小山園抹茶粉，回甘唔苦，包體十分煙韌！
◖伯爵茶焦糖餅乾麻薯◗ 7/10
包體：伯爵茶；內餡：焦糖餅乾麻薯
伯爵茶味香濃，相對淡味少少，面頭有啲焦糖奶酥，但太少味道唔太出。內餡嘅麻薯有粒粒焦糖餅碎，幾香有口感，味道偏甜，但同埋包一齊食甜度啱啱好！
◖伯爵茶朱古力 ◗ 9/10
包體：伯爵茶；內餡：流心朱古力
伯爵茶味好香，可可嘅味道同伯爵茶嘅味道好夾，好香！內餡用咗黑朱古力，唔會太甜啱啱好，仲要係流心！
◖黑松露芝士◗ 7/10
包體：竹炭；內餡：黑松露芝士
芝士餡好香黑松露味，但係包體冇咁煙韌冇咩味，芝士都唔係拉絲嗰種～整體好食嘅，但比起其他味道差少少
◖玄米茶麻薯◗ 7.5/10
包體：玄米茶；內餡：麻薯
玄米茶味幾出幾特別，焗熱佢，脆皮加埋煙韌拉絲嘅麻薯，甜甜地幾好食！
◖玫瑰士多啤梨麻薯◗ 7.5/10
包體：原味；內餡：士多啤梨乾/麻薯
有啲玫瑰花瓣喺面頭做點綴，聞落好香玫瑰味，但其實唔太食得出。裏面夾住啲酸甜嘅士多啤梨，口感幾濕潤，加埋拉絲麻薯，好似食緊甜品咁！
🌟Encore指數：9.5/10
Post
