Video
Read full review
2019-07-22
45 views
今日無懼風雨同朋友黎銅鑼灣食法國午餐。因為係出面淋完雨，所以一黎就叫左兩杯熱茶暖暖胃。午餐主食加$15就有一大壺茶幾抵。我地叫左Earl Grey同紅茶，一路嘆住茶一路叫野食。首先黎左份餐包，分別係南瓜甘筍杞子包同埋全麥小吐司。熱辣辣到手，麵包香一路飄來。跟既唔係牛油，而係澳洲全素Marmite同Truffle honey。以前係外國食過Marmite唔係好鍾意，所以今次就留曬比朋友食哈哈。第一次食黑松露蜜糖，真係好重松露味好特別，幾鍾意。<肉醬意粉配日本溫泉蛋> ($128)啲意粉係幼身既，係天使麵咁幼，上面鋪左一塊芝士，芝士下面係一舊超流心既溫泉蛋，旁邊有一啲芝士碎。將所有野撈埋一齊食真係幾creamy，又夠曬味，番茄同芝士仲有肉醬永遠都係perfect match。<蜜糖烤焗法國黃油春雞> ($198)份量係一隻上髀加一隻下髀，烤完之後雞油出曬黎，所以聞落非常香。下髀自然比上髀嫩滑，所以我同朋友每隻都試左啲。<香煎慢煮沖繩阿古豬配意大利白豆> ($238)豬扒切開兩份所以我地就每人一塊。煎得生少少既一邊真係幾嫩滑，熟少少果邊就可惜有
首先黎左份餐包，分別係南瓜甘筍杞子包同埋全麥小吐司。
熱辣辣到手，麵包香一路飄來。跟既唔係牛油，而係澳洲全素Marmite同Truffle honey。以前係外國食過Marmite唔係好鍾意，所以今次就留曬比朋友食哈哈。第一次食黑松露蜜糖，真係好重松露味好特別，幾鍾意。
<肉醬意粉配日本溫泉蛋> ($128)
啲意粉係幼身既，係天使麵咁幼，上面鋪左一塊芝士，芝士下面係一舊超流心既溫泉蛋，旁邊有一啲芝士碎。
將所有野撈埋一齊食真係幾creamy，又夠曬味，番茄同芝士仲有肉醬永遠都係perfect match。
<蜜糖烤焗法國黃油春雞> ($198)
份量係一隻上髀加一隻下髀，烤完之後雞油出曬黎，所以聞落非常香。下髀自然比上髀嫩滑，所以我同朋友每隻都試左啲。
<香煎慢煮沖繩阿古豬配意大利白豆> ($238)
豬扒切開兩份所以我地就每人一塊。
煎得生少少既一邊真係幾嫩滑，熟少少果邊就可惜有啲乾喇，好在有伴碟青豆蓉、菜蓉 仲有白色既蒜蓉醬，配番茄汁加意大利白豆。
<招牌提拉米蘇咖啡啫喱拌杏仁脆脆> ($68)
黎到甜品呢部分有我地期待既燒棉花糖 Tiramisu。
用左rum酒燒，令棉花糖更香，溶左之後酒精濃度無咁高。入面啲啫喱超有咖啡味架，就算係cream入面都仍然突出。
<是日驚喜> ($68)
今日既驚喜甜品係奶凍panna cotta，配住士多啤梨同芒果粒一齊食，口感都幾豐富。
週末係呢度嘆靚景，聽住古典音樂，好有格調，呢度有三間房，全場加埋只有10張枱左右，最細可以一張枱一間房，私隱度超高。
Post
