Video
Read full review
2021-11-16
442 views
秋冬天唔知大家有咩係必食㗎呢？蛇羮？煲仔飯？我呢～就鐘意食羊腩煲喇！暖胃得黎，羊肉又唔肥食多多都得！今晚又去左將軍澳搵食但無去donki果邊去藍塘傲呢一邊發掘下俾我發現左呢間中菜就去食今年第一餐羊腩煲～呢度嘅支竹羊腩煲係秋冬限定用上新鮮羊腩店長介紹係原隻新鮮草羊自家燒毛開肉所以水準有保證食落完全無羶味！羊腩唔會太肥羊皮淋身唔韌正！同窩仲有冬菇馬蹄同支竹非常入味，超大窩食到咁上下，可以加啲生菜落去煮健康好味除左食羊腩煲我地仲叫左燉湯，大灰熊小炒王，粟米拼黄金豆腐同甜品炸湯圓小炒王有鑊氣蝦球爽口彈牙連伴碟都一絲不苟精心雕花，小蝴蝶栩栩如生粟米拼黄金豆腐豆腐皮薄饀靚酥脆香口粟米略炸，唔太熱氣食到鮮甜味燉湯足料有花膠同雞腳肉粒飲落無味精鮮甜滋潤炸湯圓又係非常吸引我到底唔連湯嘅湯圓係點㗎呢？表面沾滿金黃杏仁片入口係芝麻湯圓因為無連湯所以乾爽食到湯圓煙韌口感特別得黎好味！！好喜歡呢度家庭式嘅經營店長超友善食食下，主動將廚房鮮製嘅竹蔗茅根俾我地試飲～成餐都好滿意！
蛇羮？煲仔飯？
我呢～就鐘意食羊腩煲喇！
暖胃得黎，羊肉又唔肥
食多多都得！
今晚又去左將軍澳搵食
但無去donki果邊
去藍塘傲呢一邊發掘下
俾我發現左呢間中菜
就去食今年第一餐羊腩煲～
呢度嘅支竹羊腩煲係秋冬限定
用上新鮮羊腩
店長介紹係原隻新鮮草羊自家燒毛開肉
所以水準有保證
食落完全無羶味！
羊腩唔會太肥
羊皮淋身唔韌
正！
同窩仲有冬菇馬蹄同支竹
非常入味，超大窩
食到咁上下，可以加啲生菜落去煮
健康好味
除左食羊腩煲
我地仲叫左燉湯，大灰熊小炒王，粟米拼黄金豆腐
同甜品炸湯圓
小炒王有鑊氣
蝦球爽口彈牙
連伴碟都一絲不苟
精心雕花，小蝴蝶栩栩如生
粟米拼黄金豆腐
豆腐皮薄饀靚
酥脆香口
粟米略炸，唔太熱氣
食到鮮甜味
燉湯足料
有花膠同雞腳肉粒
飲落無味精
鮮甜滋潤
炸湯圓又係非常吸引我
到底唔連湯嘅湯圓係點㗎呢？
表面沾滿金黃杏仁片
入口係芝麻湯圓
因為無連湯
所以乾爽
食到湯圓煙韌口感
特別得黎好味！！
好喜歡呢度家庭式嘅經營
店長超友善
食食下，主動將廚房鮮製嘅竹蔗茅根俾我地試飲～
成餐都好滿意！
Post
