秋田鐵板燒刺身專門店

Open Now

Now Closed

近排愈來愈鍾意食鐵板燒，灣仔呢間秋田鐵板燒套餐都幾抵食，餐廳環境大，比較多座位，揀咗$888/位 二人前套餐Akita👇🏻季節沙律 🈶沙律菜、車厘茄及粟米，撈埋沙律醋食，非常開胃魚籽鵝肝蒸蛋黑魚籽配上滑溜嘅蒸蛋，味道剛剛好，食落有鵝肝香氣，都幾特別鮮活時令龍蝦藍龍蝦肉質香嫩，點上用蝦膏煮嘅醬汁，十分惹味原隻鮮活南非鮑魚鮑魚切件上碟，配有忌廉海苔醬，入口彈牙美味季節時令海鮮時令海鮮係清酒煮北寄貝，呢個煮得好好味😋口感鮮味十足香煎頂級鵝肝 鵝肝都好大塊，煎至金黃色，上面放上魚籽➕金箔，下層有香脆嘅多士，旁邊有解膩嘅菠蘿🍍擺碟非常精美鹿兒島霜降和牛分別有和牛薄燒卷➕和牛厚燒，🉑以點上芥末、海鹽或海苔，揀咗7️⃣成熟，厚燒和牛肉質嫩滑，牛味香濃，我就鍾意點上3樣嘢一齊食，芥末口感偏甜，一啲都唔會攻鼻和牛薄燒卷包住香蔥及脆蒜片，肉質香腍，食落唔會太油膩秋田炒飯 配料🈶櫻花蝦、雞蛋🥚、香蔥等，混合珍珠米炒至金黃色，美味可口炒野菜菇菌及椰菜炒香，份量都算多，非常健康龍蝦清湯清湯鮮甜可口，清清地幾好飲精選甜品即製紅豆沙銅鑼燒，揀咗黑芝麻雪糕➕抹茶雪糕，抹茶奶綠味香濃，我就比較鍾意濃郁嘅黑芝麻味