阿肥火鍋 (Closed)

上星期日同朋友係尖東個邊行完街，入夜感覺到天氣開始涼左，朋友就建議不如晚餐就打個邊爐啦！熱一熱下去！點知一抬頭就見到有間火鍋店係地牢，真係天助我也！我地就行左落去間火鍋店舖度，一入去好似時間倒流一樣，裝修間格好似係舊式唐樓打邊爐咁好有特色😌！落到去都幾熱鬧下，有3-4檯已經打緊邊爐！我地坐底左就叫左佢店舖👍推介既濃湯花膠雞鍋，加埋濟州黑豚肉片，打邊爐必叫既響鈴，仲有大大隻既貴妃蚌，黎多各半份既手打墨魚丸同爆汁黑豚肉丸，再加多碟萵筍！呢度既醬料係自己出去拎，好方便！話咁快店員就拎左個湯底出黎，開大個爐滾滾去先！個湯底有半隻雞同花膠，首先梗係要未落野之前飲啖湯先啦！超足料雞味濃，我同朋友都忍唔住飲多碗湯😋😋開始落貴妃蚌，等2-3分鐘左右就食得，好爽口鮮味，個殻都比較大仲可以要黎放雞骨😆😆，個黑豚肉片都唔錯，不過un 左d d 可能我地滾得耐過頭，墨魚丸好彈牙，爆汁黑豚肉就奇怪左dd,有d 咸蛋黃味道！食食下見到間店舖坐滿晒人，真係充滿住打邊爐熱熱鬧鬧既氣氛！呢度真係一個黎打邊爐唔錯既選擇！😋😋++++++++++++++++++++++++如果大家喜歡💕我寫既食評，麻煩比個❤️我，我會努力食