湯•米 (Closed)

踏入秋季，天氣涼涼地，最好就係去食火鍋。今晚同朋友揀咗「湯·米」去食晚餐。一行二人，晚上6點開門即刻入去，唔使等位！但之後唔使一陣，第一輪就坐滿晒食客，真係好誇張。一共有9款鍋物可供選擇。自助配料架，可按自己喜好去「混醬」。1. 藥膳豚肉鍋，跟粉絲。鍋內除左豚肉外，仲有好多蔬菜同菇類，加上蟲草花，紅棗杞子，最啱女士食用同補下身2. 酸菜魚鍋，內有大大件魚腩，仲有好多配菜。入口有少少辣，但食落全身都暖晒，好適合秋冬季節嚟食。3. 肥牛同娃娃菜係額外加的，肥牛份量厚薄適中，同兩款鍋底都好配合。4. 花枝丸好大粒，入口彈牙，粒粒都有花枝肉，好味。5. 芝士茶王8號、爆檸四季春。芝士好厚好多，茶味香濃。另外四季春配檸檬，亦十分解渴，好適合食火鍋時飲用。整體而言，餐廳食品價錢優惠，選擇亦多，同時飲品亦出色，值得一試再試。