鴻圖樓茶餐廳

Open Now

Now Closed

今日同個同事喺公司加班，走得嗰陣已經非常肚餓所以就喺公司附近搵間餐廳食個快晚飯。之前午餐都有嚟食過點心，佢嘅裝修茶餐廳嘅嚟講都算幾文青風，有啲綠色佈置，不過今晚主要就因為近公司同埋餐廳夠闊落，收工咁攰想坐得舒服啲。我地嚟到都唔早，仲有好多人等緊買燒味飯，我就叫咗個乾炒牛河嚟減減壓，同事就要咗個雞扒蔥油撈丁。跟餐配左兩杯凍檸茶好快送上，辛苦一輪飲杯檸檬茶醒下神。 轉頭食物就熱辣辣準備好，份量都好大份，我個乾炒牛河唔會太油，河粉炒得岩岩好又好味，牛肉片都好多，配埋最夾嘅辣椒醬，一流！同事個雞扒蔥油撈丁都非常吸引，撈丁充滿油光，亦啖啖蔥香，加埋煎到香脆十足嘅雞扒，真係好滿足！見到佢嘅下午茶都好抵食，搵日都要過嚟幫襯透透氣。