Hunky Dory

Open Now

Now Closed

今日踩單車經過科學園，發現有一間可以戶外坐嘅西餐廳😊空間位置非常寬闊，坐得好舒服☺️去到餐廳坐低後可以用手機落單非常方便👍🏻威靈頓牛柳（需時30分鐘）叫咗一個限量招牌菜，威靈頓牛柳，需要30分鐘先可以焗出嚟，$188價錢比外面經濟貼地，酥皮焗到香口野味，五成熟嘅牛柳配上脆口酥皮真係好夾，在蘸上牛肉醬，招牌菜必食。韓式泡菜雞肉炒年糕原來呢間餐廳都有fusion菜，年糕軟軟綿綿，韓式泡菜醬汁調校得恰到好處，仲有新鮮嫩滑雞肉，不比外邊嘅韓國餐廳遜色！焗芝士薯條🍟坐響戶外位置當然叫一個焗芝士薯條食啦，慢慢欣賞外面景色，再食一口炸薯條🍟，配上芝士及茄醬，真係舒服！