來多碗車仔麵 (康寧道) (Moved) New Location

車仔麵是香港傳統美食，但想食到衛生又好味嘅，就要撞下彩喇！剛巧經過觀塘，見到間來多碗車仔麵鋪，門口光猛，望到啲餸企企理理，就入去試下啦！叫左個五餸麵：豬腸洗得好乾淨，冇豬臭味，又少肥膏！蘿蔔好林，好入味，既甜又吾會咸，正!冬菇好大隻，又爽口，仲索晒啲汁，超正！魷魚好爽，再加上秘製辣醬，簡直回味無窮！豬皮好爽口，無毛，亦是索汁的好餸！這裏最值得推介是秘製辣醬，還有他們的湯，夠味，但食完吾會好口渴！終於食到一間滿意的車仔麵！