Video
Read full review
2019-03-02
2000 views
又一餐生日飯~~~黎到公司附近IFC既五行🙂話說呢個位, 可能風水真係唔多好, 印象中已經換過多手既食肆😂12點零黎到, 都唔駛點等位🤨都唔知係大家無開工, 定個位真係有啲僻, 係IFC中庭3樓🏗️舖頭既MENU 好簡單, 午飯係得三張紙, 一張封面有個丼🍚、一張就五彩戰隊色拉麵選🍜、一張就小食單點 (A LA CARTE)🍢坐左係裏面房間, 枱同枱都有啲窄, 畢竟係寸金呎土既IFC; 成間餐廳黑色主調, 印象中上兩手都係咁黑麻麻😎五行術數既嘢, 我就唔多識喇, 咁就揀個五行款 (通常冠名舖頭名既都有保證), 另外配番個手羽先 (雞翼哦🐥）等咗一陣, 服務員拿個盤托咗個花樽上黎… 個拉麵碗咁大… 入面仲要烏卒卒 (好似好似一隻黑蟋蟀) 啲係湯面浮浮既黑蒜油, 令個碗面既密度由液體轉變成固體一樣 飲起湯頭黎, 有啲似試緊芝士火鍋底既稠密程度, 味道濃厚到無空間去融入其他味道🤤🤤麵底硬淨係我欣賞既, 加埋濃密既湯底, 有啲似撈麵; 另外肥叉係佢湯底度相得益彰, 將個濃既程度提升到十級; 最後先黎品賞隻半熟蛋, 將啲黑蒜油慢慢湧入去蛋黃中心🍳🍳撈埋一齊黎食, 又幾得意另外佢既沙律醬雞翼係開咗邊
話說呢個位, 可能風水真係唔多好, 印象中已經換過多手既食肆😂
12點零黎到, 都唔駛點等位🤨都唔知係大家無開工, 定個位真係有啲僻, 係IFC中庭3樓🏗️
舖頭既MENU 好簡單, 午飯係得三張紙, 一張封面有個丼🍚、一張就五彩戰隊色拉麵選🍜、一張就小食單點 (A LA CARTE)🍢
坐左係裏面房間, 枱同枱都有啲窄, 畢竟係寸金呎土既IFC; 成間餐廳黑色主調, 印象中上兩手都係咁黑麻麻😎
五行術數既嘢, 我就唔多識喇, 咁就揀個五行款 (通常冠名舖頭名既都有保證), 另外配番個手羽先 (雞翼哦🐥）
等咗一陣, 服務員拿個盤托咗個花樽上黎… 個拉麵碗咁大… 入面仲要烏卒卒 (好似好似一隻黑蟋蟀) 啲係湯面浮浮既黑蒜油, 令個碗面既密度由液體轉變成固體一樣 飲起湯頭黎, 有啲似試緊芝士火鍋底既稠密程度, 味道濃厚到無空間去融入其他味道🤤🤤
119 views
0 likes
0 comments
麵底硬淨係我欣賞既, 加埋濃密既湯底, 有啲似撈麵; 另外肥叉係佢湯底度相得益彰, 將個濃既程度提升到十級; 最後先黎品賞隻半熟蛋, 將啲黑蒜油慢慢湧入去蛋黃中心🍳🍳撈埋一齊黎食, 又幾得意
59 views
0 likes
0 comments
另外佢既沙律醬雞翼係開咗邊, 啱晒啲要食雞翼又懶咬既人; 沙律醬既酸同個雞翼又MATCH到, 唔錯👍
44 views
0 likes
0 comments
總體味道中上; 生日唔駛自已埋單, 不過都睇到唔係平, 其實唔駛點等位可能同佢個價錢都有關🤑🤑
Post
