Video
Read full review
2006-07-24
4 views
18/7/2006事因遲來o既歡送飯局,本見大家冇咩心水地方自己就私心諗住去食”港大校友”但居然反應返黎係怕有人唔識路,心諗”吓!唔係咁多村姑丫?”…..最後為免麻煩就一行十人去左呢樹食,貪佢方便d環境舒服d方便傾下計八掛下,另食物應唔會太差,去到都係唔使點諗食咩,只要大家唔太怕煎炸野就簡單得多生腸–雖然賣相都幾恐怖,但入口照舊爽脆炒鮮奶配野雞卷–鮮奶唔會太濕同油水準保持,野雞卷因同檯有朋友未食過當然要點,雖然都不錯但都係感覺太肥膩間中一次半次冇所謂鴿鬆生菜包–寫菜時講明因每次都唔夠生菜而要多d,小二話無理由唔夠喎最多幫你同廚房講聲,但最後都係一樣唔夠,好彩今次個肉鬆冇咁咸淨食都冇問題煎藕餅–食落有馬蹄但魚肉太多而蓮藕就要比d心機搵,整體似魚餅多d霸王雞–據小二講話係新鮮雞整先叫半隻試下,食落都嫩滑有小小雞味,但都係試過就算炸子雞–另一招牌菜,雖然係冰鮮貨但照樣外皮脆而有肉味,必食黃金脆豆腐–即椒鹽豆腐,上碟時見表面濕濕地,食落感覺古古怪怪,下次咪攪生炒涼瓜片–先前講明唔好出水一定要生炒,黎到見到濕濕咁之後夾上黎見佢軟淋淋心知應該出左水或有用湯/水煨過,食落雖重有小小爽同有苦瓜o既青草
事因遲來o既歡送飯局,本見大家冇咩心水地方自己就私心諗住去食”港大校友”但居然反應返黎係怕有人唔識路,心諗”吓!唔係咁多村姑丫?”…..最後為免麻煩就一行十人去左呢樹食,貪佢方便d環境舒服d方便傾下計八掛下,另食物應唔會太差,去到都係唔使點諗食咩,只要大家唔太怕煎炸野就簡單得多
生腸–雖然賣相都幾恐怖,但入口照舊爽脆
炒鮮奶配野雞卷–鮮奶唔會太濕同油水準保持,野雞卷因同檯有朋友未食過當然要點,雖然都不錯但都係感覺太肥膩間中一次半次冇所謂
鴿鬆生菜包–寫菜時講明因每次都唔夠生菜而要多d,小二話無理由唔夠喎最多幫你同廚房講聲,但最後都係一樣唔夠,好彩今次個肉鬆冇咁咸淨食都冇問題
煎藕餅–食落有馬蹄但魚肉太多而蓮藕就要比d心機搵,整體似魚餅多d
霸王雞–據小二講話係新鮮雞整先叫半隻試下,食落都嫩滑有小小雞味,但都係試過就算
炸子雞–另一招牌菜,雖然係冰鮮貨但照樣外皮脆而有肉味,必食
黃金脆豆腐–即椒鹽豆腐,上碟時見表面濕濕地,食落感覺古古怪怪,下次咪攪
生炒涼瓜片–先前講明唔好出水一定要生炒,黎到見到濕濕咁之後夾上黎見佢軟淋淋心知應該出左水或有用湯/水煨過,食落雖重有小小爽同有苦瓜o既青草味,真係下次要搵間聽話d先得!
薑汁炒介蘭–比唔食苦瓜o既朋友食,見條條翠綠應該o.k.食落始終唔夠薑汁味
鳳城炒飯–今次表面較濕但都唔會油淋淋食落都同平常差不多水準
焗西米布甸–另一主角,食落都唔錯好香加上唔會太甜但好似唔見蓮蓉o既???唔通間間都唔同?
芝麻糊–附送甜品,但似開粉多
埋單$1080,講好食又唔係好有驚喜話差又唔係差只可以話穩穩陣陣,但服務方面真係有d問題特別d著晒黑衫o既部長真係似仇人多過乜,見佢上菜或執野果時完全唔會講聲叫人小心d另外最後清理時打瀉晒d汁係轉盤上抺都唔抺就上甜品,雖然到尾聲姐但都要乾淨企理d好呱!
Post