稻八日式火鍋炸物放題 (Closed)

稻八九點半後入座有85折,今晚ot完就同同事嚟食返餐好。 湯底揀咗鴛鴦鍋,分別係沙爹同日式豬骨湯, 我自己就中意豬骨湯多啲。 係等火鍋料到嘅過程,我就發現咗最令我surprise嘅自助天婦羅炸爐啦! 平時都好鐘意食天婦羅, 今次居然有得自己天婦羅自己炸! 佢有好多食物俾你炸, 例如蝦, 蕃薯,茄子,菇,腸仔,麻吉燒,芋泥魚餅等等,不過就係無我最鐘意既冬菇, 如果有埋就非常滿足了。 揀完自己鐘意既食物就可跟牆上嘅指示炸, 炸完落埋自選調味粉就大功告成。 小妹第一次整個樣就麻麻地架啦, 但自己整就點都覺得好食。首先來嘅係刺身拼盤, 無一陣大家就掃曬,食落都算新鮮,無乜雪味。 之後就係打邊爐重點嘅牛--不同部位嘅牛, 有埋牌等你知自己食緊咩落口。 望落去就知啲和牛有返咁上下質素啦,脂肪分佈均勻, 滾兩滾就食得啦,唔好煮咁耐。 如果你有" 呢幾件白色部分咁多,望落好肥下喎! "既諗法,咁你就錯啦,佢地就喺牛白肉啦,一隻牛有一斤咁多左右啦。 滾到卷起就食得,口感會係爽脆,屬於必試item。 除咗牛,都會有海鮮,豚肉,🐔肉同羊肉俾大家選擇。 質素都唔錯架, 不過我都係愛牛多啲。 提提大家: 飲品櫃