Video
Read full review
2020-04-29
1217 views
雖則疫症來襲前…已經由六月起無乜心機去旅行…但總叫頂唔順時可以隨時出發散吓心…😖而家直頭困獸鬥！無！得！揀！！！. 唔知有冇人同Be一樣…要不停去行Donki,Aeon,一田,Uny,十二蚊店……以解慰藉思日愁緒 (🙋揮手區)·除咗買哂啲食材零食番屋企滿足吓口褔…當然唔少得襯有機會出街時去食啲遊日時會食嘅嘢…唔係講笑…食緊之際的確旅行記憶湧哂番嚟 (😢差在未好似食黯然銷魂飯咁流眼淚咋陰公)·今日就揀咗去食CoCo壹番屋尋慰藉🍽️✨·ℂ𝕠ℂ𝕠 𝕀𝕔𝕙𝕚𝕓𝕒𝕟𝕪𝕒Okra & Tofu Omelet Curry Rice秋葵豆腐奄列咖喱飯 $64·利申碟飯張相再落咗filter毒多大家兩錢重嘅…但講真用肉眼睇實物都一樣好似味吉陽一嘅菜式咁bling bling誘人架…啲秋葵嘅特有口感配上滑嫩豆腐再加埋芙蓉樣質地嘅蛋包飯…撈埋招牌咖喱汁一齊放入口果吓😋😋真係！好！感！動！·Fried Squid Salad炸魷魚沙律 $35·啲炸魷魚圈無得輸！！脆香得嚟唔會食橡筋咁！加埋好fresh嘅生菜車厘茄小青瓜粟米粒！完美解膩食咖喱嘅口腔狀態😛😛. 就係咁…滿足味蕾又解到思緒都係一張紅衫魚有找☺️值得呀🙌
.
唔知有冇人同Be一樣…要不停去行Donki,Aeon,一田,Uny,十二蚊店……以解慰藉思日愁緒 (🙋揮手區)
·
除咗買哂啲食材零食番屋企滿足吓口褔…當然唔少得襯有機會出街時去食啲遊日時會食嘅嘢…唔係講笑…食緊之際的確旅行記憶湧哂番嚟 (😢差在未好似食黯然銷魂飯咁流眼淚咋陰公)
·
今日就揀咗去食CoCo壹番屋尋慰藉🍽️✨
·
ℂ𝕠ℂ𝕠 𝕀𝕔𝕙𝕚𝕓𝕒𝕟𝕪𝕒
Okra & Tofu Omelet Curry Rice
秋葵豆腐奄列咖喱飯 $64
·
利申碟飯張相再落咗filter毒多大家兩錢重嘅…但講真用肉眼睇實物都一樣好似味吉陽一嘅菜式咁bling bling誘人架…啲秋葵嘅特有口感配上滑嫩豆腐再加埋芙蓉樣質地嘅蛋包飯…撈埋招牌咖喱汁一齊放入口果吓😋😋真係！好！感！動！
·
Fried Squid Salad
炸魷魚沙律 $35
·
啲炸魷魚圈無得輸！！脆香得嚟唔會食橡筋咁！加埋好fresh嘅生菜車厘茄小青瓜粟米粒！完美解膩食咖喱嘅口腔狀態😛😛
.
就係咁…滿足味蕾又解到思緒都係一張紅衫魚有找☺️值得呀🙌p.s.希望地球人快啲有得再去旅行✈️✈️
·
Post
