伙食工業 (Closed)

假日約了幾位好朋友特地入火炭試呢間想去好奈的餐廳，坐位都算ok既幾寬敞，裝修都有用心，以為都無死啦⋯⋯叫了三杯雞，望落其實好似幾好味，但一咬落去就見真章，味道唔好又唔夠熱都算，佢係硬到擦膠咁！可唔可以唔好浪費我牙力去咬呢到起碼廿幾粒「雞粒」？卡邦尼都好難整得難食，所以呢個已經係比較正常的一碟，有cream同蛋黃味，有應有的材料咁囉。打算叫啲小食share，叫了蛋餅同甜不辣。蛋餅入面流心蛋都留住到一點分數，但皮仍然厚同唔夠熱⋯⋯甜不辣真係⋯究竟啲甜同啲辣去感邊？係咪無返工？我淨係食到幾舊炸到喀喀聲既煙靭物，dry到喊。最過份都係呢個所謂既「黑松露薯條」，請問啲黑松露就係呢啲粉？立即要睇返個menu到底佢收的幾多錢，盛惠40幾蚊，咩薯條要咁珍貴最重要既問題係，啲伙計的態度真係好有問題！唔想返工其實你可以sick leave，唔好係到眼超超嘴歪歪，完。