Video
Read full review
2021-03-21
2084 views
週六放工冇頭緒食咩好，諗起早排同先生睇過蘋果報導嘅美食推介，講起呢間位於長沙灣嘅拉麵小店，店主曾經專程去日本學師，仲介紹咗熬製拉麵湯底嘅過程，非常吸引。雖然舖頭地點唔算就腳，但都抵住大熱天時專登過嚟食。嚟到鋪頭差唔多一點半，可惜發現原來由三月一號開始舖頭將開店時間由十二點改咗做兩點，我哋仲專登查過OpenRice以為佢十二點開門一定唔怕摸門釘⋯⋯一場嚟到，只好乖乖喺門外等，過咗一陣門口嘅人龍已經越嚟越長，睇嚟蘋果嘅推介起咗作用。到店員出嚟處理人龍我哋先發覺原來入面只有八個座位，心入面即時好慶幸自己早咗嚟。店面雖然細，但俾人嘅感覺係舒服嘅，的確係有種日本小區嘅感覺。枱面放咗幾款唔同嘅拉麵調味料俾客人自己落，而且擺放整齊乾淨。食物方面選擇唔算多，只有幾款拉麵、飯同小食，我諗店主一個人主理亦真係冇辦法同時兼顧太多花款嘅食物，而且拉麵呢家嘢從來都係貴精不貴多，好食嘅話一款已經可以打響名堂。套餐包主食、小食同飲品，價錢同出面淨食一碗拉麵差唔多，價錢非常貼地。先生揀嘅豚骨拉麵味道好淡，老實講係飲得出冇味精，湯底嘅口感亦帶少少濃稠，但就係欠咗種日本拉麵應有嘅濃郁風味，反而有種飲緊雪濃湯嘅感覺，味道比
嚟到鋪頭差唔多一點半，可惜發現原來由三月一號開始舖頭將開店時間由十二點改咗做兩點，我哋仲專登查過OpenRice以為佢十二點開門一定唔怕摸門釘⋯⋯一場嚟到，只好乖乖喺門外等，過咗一陣門口嘅人龍已經越嚟越長，睇嚟蘋果嘅推介起咗作用。到店員出嚟處理人龍我哋先發覺原來入面只有八個座位，心入面即時好慶幸自己早咗嚟。
店面雖然細，但俾人嘅感覺係舒服嘅，的確係有種日本小區嘅感覺。
枱面放咗幾款唔同嘅拉麵調味料俾客人自己落，而且擺放整齊乾淨。
食物方面選擇唔算多，只有幾款拉麵、飯同小食，我諗店主一個人主理亦真係冇辦法同時兼顧太多花款嘅食物，而且拉麵呢家嘢從來都係貴精不貴多，好食嘅話一款已經可以打響名堂。套餐包主食、小食同飲品，價錢同出面淨食一碗拉麵差唔多，價錢非常貼地。
博多元祖豚骨拉麵
$58
39 views
0 likes
0 comments
先生揀嘅豚骨拉麵味道好淡，老實講係飲得出冇味精，湯底嘅口感亦帶少少濃稠，但就係欠咗種日本拉麵應有嘅濃郁風味，反而有種飲緊雪濃湯嘅感覺，味道比較平淡。麵底方面偏幼，但依然爽口彈牙，口感唔錯。
櫻花蝦海老味噌拉麵(套餐)
$95
20 views
1 likes
0 comments
我嗌嘅櫻花蝦海老味噌湯頭就比較濃郁，鮮味亦較突出，配上大量蝦乾同青蔥，整體感覺都比豚骨拉麵好，但仍然感覺湯頭可以做得更濃郁。
櫻花蝦海老味噌拉麵(套餐)
$95
12 views
0 likes
0 comments
博多煎餃子(套餐)
$95
19 views
0 likes
0 comments
套餐跟嘅煎餃子有四隻，其實店主就喺我哋側邊煎餃子，見佢拎咗一盒現成嘅餃子出嚟即場煎，感覺其實同自己喺屋企煎嘅差唔多，味道方面不過不夫，而且仲比較細隻，性價比唔高。
餐廳嘅拉麵雖然冇想像中咁令人驚艷（又或者唔係人人都追求鮮濃嘅拉麵湯底，喜歡淡口味嘅朋友仔或者會喜歡），但勝在價錢貼地，老闆亦非常友善，炮製食物嘅同時不忘同食客致歉，擔心大家久等，同時亦欣賞店主嘅用心，希望佢未來越做越好，不斷進步。
Post
