Video
Read full review
2014-07-25
4750 views
係太古返工既我, 今日無帶飯返公司, 正諗緊買咩食既時候, 好朋友話佢約左另一個朋友諗住去我之前想食個間green waffle! 激死我喇, 竟然搶先我食! 好彩臨時都有邀請我, 結果就開始左我長征去中環食lunch!搭車個時打去green waffle發現已經full booking!? 我好朋友當然係無份book架啦... 無得食要轉場啦... 一查之下就發現brunch club喇! 其實3餐入面最中意食早餐! 有all day breakfast梗係食啦! 不過brunch club都幾難搵, 落左天橋再行一段路, 轉個灣上條斜先係左手邊!黎到門口都仲有段小插曲 話說度門有個敞門既手位, 唔係門柄喎! 咁咪以為係向左/右拉, 跟住發覺貼左個牌寫住'推', 原來道門係直接推唔係敞既! (當我係入面坐低左之後, 發覺大部份入黎既人都係拉左/右先, 拉唔到先發覺係推! 咁應該係道門設計有D問題 XPXP)入面個裝修幾relax, 白色的牆身再有幾個書架, 仲有d雜誌同旅遊書比客人借閱, 如果可以留低一個下午應該幾舒服~~ 2個朋友叫左mix grill all
搭車個時打去green waffle發現已經full booking!? 我好朋友當然係無份book架啦... 無得食要轉場啦... 一查之下就發現brunch club喇! 其實3餐入面最中意食早餐! 有all day breakfast梗係食啦! 不過brunch club都幾難搵, 落左天橋再行一段路, 轉個灣上條斜先係左手邊!
黎到門口都仲有段小插曲 話說度門有個敞門既手位, 唔係門柄喎! 咁咪以為係向左/右拉, 跟住發覺貼左個牌寫住'推', 原來道門係直接推唔係敞既! (當我係入面坐低左之後, 發覺大部份入黎既人都係拉左/右先, 拉唔到先發覺係推! 咁應該係道門設計有D問題 XPXP)入面個裝修幾relax, 白色的牆身再有幾個書架, 仲有d雜誌同旅遊書比客人借閱, 如果可以留低一個下午應該幾舒服~~
2個朋友叫左mix grill all day breakfast! 叫個時要講埋想食咩蛋?? sunny side, poached, scrambled...etc 有一堆方法寫左係menu入面! 佢地一個叫scrambled一個叫poached 個炒蛋好好食! 好滑又好香, 仲好似有d奶係入面, 炒得好有水準!
唔知係poached egg太難整定其他原因, 呢份mix grill好遲先到~ 不過可以見到隻蛋真係岩岩成形, 個黃未熟得黎只係得層薄薄既蛋白包住, 睇得出好有心機整! 之後點食都有d難度 成隻擺入口又無咁大個口, 切開食又無晒d蛋黃汁... 最後都係小心地整起佢, 慢慢飲晒d蛋黃汁先再放入口, 雖然我無份食, 不過應該就唔錯!
我叫既egg benedict with smoked salmon! 賣相唔錯! 配合沙律色彩繽紛
我呢隻蛋都煮得岩岩好, 僅僅熟可以放係三文魚上面, 一切開黃色既蛋汁即係流出黎, 成塊muffin充滿住芝士同蛋黃汁, 入口好新鮮, 黏黏既蛋黃同香噴噴既芝士配合得天衣無繨, 仲有塊煙韌既三文魚同軟軟既鬆餅, 人間極品呀! 係我食過最好食既egg benedict!雖然今日食唔到green waffle, 不過呢間brunch club都帶比我無限驚喜! 下次有機會實黎坐返個下午, 噗返杯咖啡~~
Post
