海南小廚 (Moved) New Location

新北江商場不嬲都多野食，但茶記快餐居多,岩坐耐d慢慢食傾計的鋪頭就冇咩邊幾間，海南小廚食物好味，可以一班人坐底慢慢食，重要的係店鋪姐姐的貼心。晚餐時間海南小廚不嬲都好旺場，所以枱枱凳凳會開埋去商場的走廊，咁姐姐見我粗身大細，即刻叫我唔好坐膠凳，怕我滑親，搬左一張重的木凳比我坐。 之後重問我熱唔熱，安排一個好d的位置比我坐。全程問姐姐拎野，落單等等都有講有笑，十分窩心。講返食物，我地一行4個人叫左：一個細的水煮魚。點知上菜先發現，嘩！咁大份的，入面重有薯粉。魚滑，水煮魚湯唔會太喊。一隻雞份量的辣子炒雞丁，因為半隻係一碟，店家好均真地分兩碟上，雞炸得脆，好味。涼拌海蜇，喊左d,要撈飯食先得。炒椰菜，好味唔油。