ATUM Desserant (Closed)

Atum既即席畫作甜品相信出現過係不少女士既相機, 我都係其中一個! 身為一個甜品控, 食遍香港唔同既甜品, 但即刻係您面前製作創一無二既, 郤係只此一間。上次黎係生日, 今次再黎同樣驚喜~一早book定位, 因為餐廳位置唔多, 而且有跟時段分流, 所以唔想撲空就記得book位先呀!坐低就有既welcome drinks~ 以試管裝住夠哂創意, 冰涷酸甜開胃~有三款背景顏色既底紙可以選擇, 個人就覺得黑色配搭彩色畫作就最岩~ 畫作由不同口味既果醬作開始, 紫色為香芋、白色係椰子味、黃色為芒果同埋士多啤梨既紅色果醬而成, 望住四枝簡單既果醬可以演變成顏料繪畫, 實在好有趣, 亦好佩服店員非常純熟既繪畫手勢, 不消幾分鐘就可以完成左一半~ 之後就係餐廳自製既食材配料時候, 分別有柚子味果涷、朱古力奶涷、抺茶麻糬粒、朱古力脆片、雜莓與菠蘿脆米粒等等, 各有各精彩, 同時為視覺同味覺帶來享受, 令人印象深刻有乾朱古力脆片, 香脆而朱古力味突出又香濃, 朱古力奶涷QQ質感也不乏奶感, 抹茶麻糬粒口感軟糯煙韌等等。除左醬汁配料等, 另一主角係即製既竹炭朱古力雪糕同埋杏桃荔枝雪葩, 以液態氮製作既分